My Philips Fidelio S2 Review

stevenyu2000

前言:
近日綱上流傳著一隻性價比之王的入耳式耳塞，聞説其有如耳牛般廣闊之音場，好聲到不得了，令我心思思想試下，加上某店鋪有推廣，能以優惠價入手，使我極為心動，不過我亦為小心之人，網上傳言不可盡信，當然耳聽為實啦，一於上店鋪試玩一下，睇下啱唔啱聽先。此外，此耳塞為有mic之耳塞，有時一些有mic之耳塞插入player或耳擴，有機會會出怪聲，所以一定要試清楚。好在，一插入耳擴，無怪聲，唔焗促，唯聲音風格跟自己原先玩開之耳塞不同，此亦係我想入手之原因，試玩一下另一種風格或者方式之耳塞。



開箱:
就是這樣，Philips Fidelio S2 已入手。 S2 包裝盒內有耳機一隻，收藏盒一個，上面印有S2字樣，記憶耳綿兩對，耳膠四對，加上耳塞上面果對，一共七對唔同大小之耳膠，唯耳膠較為硬身。 加上説明書一份，盒內印有S2之spec, 15-24000 Hz, 107dB 靈敏度，22 ohm抗阻及13.5mm直徑動圈大單元。 我的S2為黑色，黑金雙色配合得好靚，做工好，外面開放式網面配上金圈尤為形格。 線身為扁線設計，線材非常柔軟，外黑內啡，mic位按鈕亦有交叉絞，整體風格是一致的。 S2之外觀設計可以説是其中一隻靚之耳塞。






配戴:
S2之配戴感好好，不用深插耳通，亦能緊貼耳朵，雖然耳塞有一定重量，亦唔會成日想跌岀黎之感覺。S2為粗耳道管，可以使用市面上之粗管耳膠。我試過用comply, monster super tips, 半模，三節膠，全部都啱用，經過試驗後，最適合自己的是自行改做耳膠，用三節膠剪去前節。 原裝耳膠硬左D，而記憶綿細節會少左。
點為之戴得好？好簡單，就係戴上S2後，雙手輕按住耳塞，如果聲音無變，就即係ok.
雖然S2配戴感好，可惜隔音較差，雖然未至於零隔音，但街上或者車上肯定會影嚮左細節。 會聽到隔離師奶吹水。 我只能説隔音ok可用，唔算好差，但絕對唔算好。所以聽感部份我係寧靜之環境測試。




煲機:
新入手即時開盒，聽左30mins, 感覺好生硬，聲音有點兒衝及尖刺，已經唔多想聽。其實大動圈，煲就肯定需要，所以我用煲機碟煲下先，煲下停下，大約一百多小時後，已經可以入口，唔再生硬，毛刺少左好多同無再鬼叫！



口味:
講聽感前，先講講自己個人口味及所有之器材。 小弟自己超愛囡聲，清甜之囡聲，唔多鐘意重味精，所以ATH與我無緣，大部份以pop及hifi碟為主，咩國家，快慢都聽，尤為鐘意好錄意之live concert. 喜愛歌手有梁靜茹，楊丞琳，衛蘭，Robynn & Kendy, GEM, 歌莉雅，adele, eva cassidy, alison krauss, ayaka, yui, emi fujita, angela aki ...... 等
男聲就只愛Eason, 張國楚，夏韶聲，謝霆鋒，張學友等。。。。。。
Rock band 就只有Beyond.
至於其他就好少聽。
Player有LG Optimus G手機及CK4mod一部
AMP有一部DIY AMP.
耳機有ER4B, Momentum recable, AKG K702 65th ANV.
你見到我D器材都係以清為主，所以今次入S2因為其13.5mm大動圈，取向應與4B頗有不同。



直推:
原本打算用CK4mod作直推，可惜S2因為有mic,唔夾ck4,會出空洞怪聲，所以話有mic耳機一定要試。咁唯有插入部LG直推,順手試下個handfree.
S2 可以用於ios及android. 我部LG用poweramp, 乜都無set, 直推S2, 有舒服而唔焗促之感覺，低頻彭拜，量多了少許，對我而言，係少許過量。 人聲圓潤而滑，冷聲，高頻無明顯衰減，結他清翠動聽。 但整體感覺偏後及偏暗，樂器有少少over人聲，鋼琴聲亦較悶，唔清翠，另外定位亦唔清楚，整體感覺有少許濛，這可能由於我長期聽開er4b, 要定位同清好過4b的確無可能，加上我從不用電話直推。
話説回頭，從我電話出到這般聲音，已經很好啦，我最怕焗，尖，衝都無出現，比個good.
用S2聽少女時代之2011 live concert好好，良好之音場加上節拍強勁之低頻，盡顯S2之長處。
另一首為古巨基之24bit眼睛不能沒眼淚，全曲之結他加上基仔把聲，可以聽出S2對結他及聲音之圓潤。
Adele之someone like you live 版，鋼琴死實左，無乜生氣，但高音伸廷都handle得幾好，另外就係live之氣氛，S2都表現唔錯。



炸蛋:
雖然ck4mod直推唔到S2, 但駁上耳擴後卻無問題，沒有空洞怪聲。 S2 經耳擴輸出後，真正的S2慢慢出現眼前，這也難怪，始終大動圈，當然需要比足飽飯佢食啦。
首先感受到的是音場不再只是闊而已，而是更為立體而完整。
其次原本少許過量之低頻被控制了，深而實在有力之低頻，有不俗之速度感，沒有一般動圏多而肥及慢之bass. 當然沒有er4b動鐵之爽快速度，但其力量及氣勢卻非er4b可比。
另一樣提升為人聲再沒有比音樂over左，而係差不多五五之比，保持一段適中之距離。 此特性對於人聲控之我來説，其實是不足，我只好當為另一演譯方式。
於耳擴推動下，高音申延充足，小提琴，女高音都上得到而沒有尖刺。
可惜鋼琴及定位，雖然有提升，亦未能達到我所要求之水平。 當然它們都唔算差啦，但卻成為一個較為明顯之弱點。
S2之人聲密度亦都值得讚許，圓潤有肉地之聲音，令人討好。
音色偏冷，少許的冷聲，如果暖返D會更討好我，因為我已經有偏冷聲之er4b了。
此耳擴多數使用24v鋰電池驅動，我試改為使用其專用PSU, 聲音之控制力立時提升，好容易聽得出。 可惜我部DAC去左改機未拎，未能試下家用組合下推動之結果。但肯定S2越推越有。



總結:
S2為一隻音場良好，低頻強勁，配戴感好而定位及隔音較差之入耳。音色偏冷及暗。 S2包容性強，就算只用電話都唔會出惡聲，卻越推越有。 加上其售價適中，有很高的兢爭力。 個人評價唔差，有flagship之質素但欠缺品牌獨有味道！Sorry, 我真係唔知Philips咩味！調音都正常大路，不愧為性價比之王。

後記:
插左隻S2落notebook睇一代宗師，低頻結實，拳拳到肉，好爽下，用黎睇戲打機都唔錯！

kelvinhin

本身已經對佢極有好感, 不過玩佢之前真係要預備部好耳擴...

zero981210

其實呢隻野真係幾成功，可以吸引到咁多壇上活躍既師兄吾單止回應，而係直情出開箱POST

stevenyu2000

S2 唔係完美，弱点唔少，但以佢身價，的確叫抵玩

rockerlam

呢隻試聽過都覺得唔錯，對得住呢個價錢。

動圈和動鐵既表現方式唔同，有時轉下口味都唔錯

gahqm

以呢個價錢呢講真係唔錯，不迥耳塞我最唔鍾意佢係有 mic 同埋扁線，至從中左毒後我就冇再用電話聽歌，有 mic 對我黎講係多餘，而扁線，某論壇嘅 ching 話齋，好似 sata 線咁鬼肉酸

hiyori

gahqm 發表於 2013-5-24 10:54
以呢個價錢呢講真係唔錯，不迥耳塞我最唔鍾意佢係有 mic 同埋扁線，至從中左毒後我就冇再用電話聽歌，有 mi ...

所以我本來都想搵法子換左佢條線
但似乎唔太樂觀，主要係佢個殼好似幾難開...

Matt.P

hiyori 發表於 2013-5-24 10:57
所以我本來都想搵法子換左佢條線
但似乎唔太樂觀，主要係佢個殼好似幾難開... ...

爆左就唔係s2 了：p

stevenyu2000

hiyori 發表於 2013-5-24 10:57
所以我本來都想搵法子換左佢條線
但似乎唔太樂觀，主要係佢個殼好似幾難開... ...

I want to change the cable too

patrick@wong

Wow Steven hing you have ihifi960 also....Yup S2 not easy to drive must need an amp