「大作」與「小品」，你睇定唔睇？

alleelarry

版主的電影取向，從來沒有分「大」與「小」，爛片也會看到尾，才可了解有多爛。（天機一片除外，唉……永遠記唔到套戲既全名）

每當大片上映之時，影評與討論均特別多，難道小品大家就沒有與趣！？入黎投票及發表一下你既意見吧！如果你有《滄海遺珠》推介的話，何不與大家分享一下呢！

alleeada

大片細片都睇，自已偏向劇情多於動作。

好多時大片打到死人冧樓場面係好睇，但故事好薄弱。反而細片無大卡士、無華麗CG，但故事發人心省。

近排睇過的《坐看雲起時》，《狂野行》，台灣電影《看見台灣》都非常不錯。大卡士亦有好片如《Gone Girl》
唔知仲有無滄海遺珠呢！

lkljason

因為時間所限，加上火麒麟，好多時無辦法只有選擇性黎揀戲睇，當然都會取決於自己鐘情既戲種，我揀戲就比較主觀，唔合眼緣既演員往往會先入為主skip左佢d戲，所以好多時都會忽略左某d唔差既電影，睇黎黎緊都要習慣下唔好帶有色眼鏡黎揀戲會好d！

alleelarry

alleeada 發表於 2015-3-12 15:09
大片細片都睇，自已偏向劇情多於動作。

好多時大片打到死人冧樓場面係好睇，但故事好薄弱。反而 ...

近來的《來自日記的妳》都唔算小品，但係都唔多見大家講呢套！

SonSon

戲院一定睇大片, 小品..........留返係屋企夜深人靜時睇吧

alleelarry

lkljason 發表於 2015-3-12 15:45
因為時間所限，加上火麒麟，好多時無辦法只有選擇性黎揀戲睇，當然都會取決於自己鐘情既戲種，我揀戲就比較 ...

查實版主經常中到D所謂細片，以為唔多好彩，剛好相反係超幸運，既有反思，領悟做人道理，正如以下電影一樣：

《尋找快樂大步走》口碑優先場．有時快樂是難得糊塗
http://post76.hk/forum.php?mod=v ... 0&fromuid=82199

alleelarry

SonSon 發表於 2015-3-12 16:46
戲院一定睇大片, 小品..........留返係屋企夜深人靜時睇罷

總比錯過來得好！多舉一個例子：

版主推介：《笑笑小家庭》 Wish I Was Here 【寓意高尚小品】
http://post76.hk/forum.php?mod=v ... 1&fromuid=82199

粗人敵卡

SonSon 發表於 2015-3-12 16:46
戲院一定睇大片, 小品..........留返係屋企夜深人靜時睇吧

有啲小品要喺屋企睇

先可以集中啲睇

alleelarry

粗人敵卡 發表於 2015-3-12 20:56
有啲小品要喺屋企睇

先可以集中啲睇

早與晚看不打緊，重點在於有無睇，嘻！

gashapon

我其實咩戲都會睇, 重要反而睇有無時間去睇. 我自己就少睇港產片, 因為一來我唔喜歡d"功夫電影", 二來始終覺得港產片製作無咁"認真" (我知好多電影其實好用心做, 只可能因為budget問題而出來效果差少少咁), 仲有就係好怕明明同一家人, 但一個講廣東話, 另一個就講普通話, 好似夾硬要加d國內同胞入電影內....(或是調轉夾硬要加d香港人入電影內) 感覺好怪....所以主要都係睇西片.

我自己比較喜歡多特技的電影, 不過又唔會只睇呢類. 對我來說咩都好, 總之sell特技要有特技, sell劇情個故事要合理, 唔好懶神秘咁點知最後1分鐘先走個大叔出來話所有野都係佢做(仲要係無啦啦自己爆晒出來果隻), sell青春要有靚仔靚女睇等等~~另外如果同一個演員拍來拍去都係同一類的電影我都未必會睇晒.
依家開始少睇marvel電影, 因為真係太多開始有d悶了. 加上下下都要連戲, 睇少一套都會lost track, 所以寧願一開始就唔睇算了~