我的新TV TH-P50VT30H 唉....

alexlcw · 發表於 2012-1-1 14:55

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 alexlcw 於 2012-1-1 23:56 編輯

5日前送咗貨，晏晝安裝埋。本應開心咁去睇部新電視，點知下一日上晝開咗一個鐘就發現個畫面有粒光點閃吓閃吓，好顯眼。我就即刻call cs叫師傅嚟check機，睇吓可唔可以換機。下一日佢上到嚟，佢見到粒點就話一粒點係冇得換嘅，要四粒至有得換。跟住佢就同部機影特寫、寫報告、校機。佢係咁寫份報告，"符合廠方生產標準，仍屬正常，不能換機"。份報告重畫咗幅圖指住粒光點喺邊。佢話我可以試吓同"燴老伯"傾傾睇吓可唔可以換機。
同日我去"燴老伯"度問，個sales話不能直接換機畀我，佢哋只能夠叫代理上去我屋企check機，話可以換佢哋至會換畀我。咁我就話係個師傅叫我嚟同你哋傾，佢話如果師傅叫你嚟咁可能會有特別原因。佢就羅咗我張發票同張報告去影印。佢話會幫我同代理傾有冇得換機，假期後會有回覆。

粒光點喺全黑畫面係消失嘅，係有色嘅畫面係會閃吓閃吓。
之後，我已經搵到藍畫面有一粒死點、一粒半死。紅畫面有一粒半死。全部唔同位置共4粒點有問題。

如C hing想買Panasonic TV，可以參考我呢個遭遇，再三考慮應該買不買。