那些年，我在Post76混沌的日子

SonSon

不經不覺已三年，係講緊加入Post76既年資。這個年資對大部份資深版友來說只是九牛一毛，但對於本人來講已感覺一入豪門深似海 。係呢三年裡，除了開首大半年因健康理由絕跡post76外，Post76已消耗咗我不多不少的人生，其餘當然就是家中老細及一眾仔女啦 。曾經有版友以為版主或版管都是全職身份，當然，如果他朝有日Post76會有全職版主，甚至會址，咁一定是Post76踏入真正收成期。

回想當年自己都算是電影愛好者，雖未至狂熱份子，由租用錄影帶起，大部份片種都有看過（當然以商業片為主啦 ）。雖然家中器材只是普通貨式，無貴價器材，一樣係賞心樂事 。但漸漸地開始覺得由純粹娛樂，對影音已有所要求。當然要提高影音質素莫過於提升硬件器材，但自知財力有限的我需能緊貼科技資訊，但沒有財力與時並進 。所以退而求其次向提升軟件質素埋首，就這樣開始在網上世界留意最新影碟資訊。同部份版友一樣，開始接觸本地AV網站首推友台review33及avbuzz。但詞不達意的我就算已申請為會員仍只是純粹傍觀絕少發言 ，但又漸漸地發覺這類本地網站資訊未能全面照顧我這類新手入門，就係一次偶然情況下係網上搜尋Blu ray資料，遇到當時軟件界一神人 - 劉一舟兄係Post76.com既帖文。係當時來說，因為要留意劉兄既最新碟報，所以自自然然慢慢開始浦Post76。

事實上當時Post76帖文及人流都不多，影碟資訊更是以劉兄為主，其他版友大多和應，發帖比例較少。所以當時自己持住知少少扮有料心態 ，係網上搵資料學劉兄出吓帖文及解答吓問題。就係呢個時候，版管Ken Sir眼見呢個死靚仔成日係軟件區搞搞震 ，就二話不說招攬咗做死士。就係咁，係個一刻無形中就多咗份責任。隨著日子一天一天過去，由其係2011年，眼見由我加入Post76時千多人到現時接近擁有六萬會員，就算當當中有一半係過客，Post76會員增長數目亦算非常可觀 。硬件區較少浦唔太了解（奉勸大家自知定力唔夠都少去為妙 ），軟件區近一年確實多咗好多新面孔（原來大家都好似我咁係網上搜尋到Post76），大家亦非常踴躍發言，咁樣對一個網站健康發展好重要，亦都係各版管想預見的。

要營運一個網站不易，要營運一個仍未收支平衡既網站亦不易，要營運一個堅持理念既網站更不易。幸好有賴小瑟、wil-wil、mankoo、ken704各版管及一眾版主無私付出 （呢點自覺好慚愧）。或者今日Post76仍更苦經營中，但隨著Post76流灠量上升、網站排名上升、會員數目上升，相信好快Post76就會踏上軌道，收成正果 。

係度要多謝一眾版友在軟件區無私分享經常上載珍貴圖片（因人數眾多，怕有遺留唔一一致謝了），無大家既分享，相信無人會知道原來Amazon買嘢這麼易，無人會知原來鐵盒這麼靚，無人會知原來外來佬貨這麼抵，無人會知原來Post76無形中係軟件區已建立領導地位，多謝大家 。

踏入2012年，希望Post76來年更上一層樓，Blu ray軟件區係同類型網站一枝獨秀，日後想買想睇Blu ray先要流灠Post76。

yauyau282

祝post76在2012人數突破60萬

leo25

辛苦哂各版主

dragonyam

身為76其中一位小小嘅會員，小弟己覺十分之榮幸...

uegili

辛苦啦!SonSon兄 及各版主
每次見到你都好開心,因為又有正碟攞.
對一舟兄印象都好深.希望可以再次睇到佢作品.

lawgc8

"身為76其中一位小小嘅會員，小弟己覺十分之榮幸"x2
join左post76後吾單止學多左好多野，亦中左不冶之鐵毒...
但最開心係認識左一班志趣相投既朋友!!!!!
祝76不斷壯大，他日上市記得分些少股份比每位CHing~........

victor_wong

SonSon ching 鼓勵內容帶點哀愁, 但我差點以為 76 要結業添 , 千祈唔好, 因為不經不覺呢度幾乎已經變成生活一部份.

245141525

幸好有賴小瑟、wil-wil、mankoo、ken704各版管及一眾版主無私付出 （呢點自覺好慚愧）。
SonSon 發表於 29-12-2011 01:11

我懶過你好多......

edlsang

Son Son 兄一篇好好分享 ！

SonSon

回復 4# dragonyam

龍兄都係一份子啫