如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
尋晚應我老闆要求, 無去睇《神探福爾摩斯:詭影遊戲》, 走去睇咗《吸血新世紀4破曉傳奇上集》, 以下report純粹個人感覺, 不喜勿打頭!! 
全套戲基本上就係主角2條友結婚渡蜜月破處大肚生野種狼族唔老嚟想搞破壞, 女主角生野種差啲死又死唔去變彊屍!!! 完全無講少到任何劇情, 的確小弟之前嗰段字已經講完咗差唔多2個鐘既戲講乜!! 
最初睇第一集見到有啲吸血彊屍同狼人故事都算有少少睇頭, 奈何老闆十分之鍾情又睇書(中英文版本都睇晒)又要去戲院睇, 頂到第三集我都算係一個好老公!! 但係第四集實在太離譜, 講咁少嘢用2個鐘拖到真係行入浴室換衫都玩十幾分鐘. 如果話係愛情片既話, 問心小弟睇過咁多日本韓國既純愛片, 更加更加悶既都睇過, 但人地嗰啲講感覺講內心既level同呢套《吸血》唔同, 大佬唔係成套戲喺度不斷講"LOVE YOU", "Edward, don't go", "No, Bella, No!"就叫好愛對方囉(大家可以做個統計, 以上對白喺呢幾集講咗幾多次), 上次edward走佬, bella失戀坐喺度玩咗幾廿分鐘我已經夠難頂, 今次淨係講佢地想搞嘢都玩咗幾廿分鐘邊頂得順呀~~~!! 你有深度有內心有形容點解肯同個彊屍生仔就話啫, 無啦啦明知送死都話要生仔, 除非bella係導演, 一早知佢會返生做彊屍咩!!! 
我唔想話西片既愛情片無內心, 《Love Actually》同《愛情戀上癮》我覺得係感動既, 就算《心跳500天》同《One Day》我都覺得有料到, 但係呢套擺明大賣彊屍狼人同人類既愛情片, 真心咁覺得係全年最呃錢之作, 講到宜家第4集我都係感覺唔到點解bella姐要咁鍾意edward呢條雪條彊屍, 又會含情咁鍾意埋個火爐狼人jacob, bella姐呢啲任性港女完全唔知邊度有咩吸引力又呃到條雪條同火爐, 唯一可講既係可能全鎮都唔無一個似樣啲既囡囡!! 
各位ching如果真係好欣賞呢套戲, 真係唔好意思, 小弟真係好少咁講一套戲, 因為拍戲既人係好辛苦既, 但呢套真係唔x唔得!! 如果有ching好似小弟咁要同老闆去睇, 記得要搵間有張舒服櫈既戲院, 一個唔覺得瞓著咗都唔會腰酸背痛!!!  |
[複製鏈接]
發表於 2011-12-27 11:39
樓主
