本帖最後由 leo25 於 2011-12-27 10:59 編輯
經過呢幾日煲左拾幾個鐘後, 今日終於"的"起心肝獻醜寫吓一d非專業既個人感覺, 以下純屬個人意見, 報告包括Horus 拖板同XLR線
打頭陣既係Diana Krall, 其實我買機時就係用呢隻碟試音. 之前都唔知呢隻碟係咁正, 試聽完之後搞到我拿拿臨去買返隻返屋企.
講返我既感受, 播<Almost Blue> 時鋼琴既餘音, Diana 少少沙啞既聲音, 真係表現得好好, 而更好既係可以聽得出錄音室既空間感
跟住再黎一首純鋼琴做音樂, Eason既<Baby Song>. 呢隻雖然唔係咩發燒碟, 但呢首歌就絕對可以用黎試人聲. 而Eason 近乎清唱更加好似好有感情咁响中間同我講緊野. 佢獨特既聲音真係表露無遺.
The Bass Gang 既 <Zorbass>, 由4支低音大提琴演奏, 牛筋既質感唔錯, 不過略嫌潛得唔深, 唔知係我邊樣器材配合得唔好喇
到琴姐既老歌喇, 用左<落花流水>黎試, 呢首歌聽起黎唔同一般咁將人聲集中係中間, 而係感覺琴姐既美妙歌聲同音樂一齊包圍住你, 但又唔會混作一團, 琴姐既聲音略帶暖意但又唔會太厚
跟住到我認為呢部機既強項, 就係交響樂同大棚野喇, 貝九既第4樂章, 呢部機可以將音場加闊但又唔會覺得散, 感覺好正
同碟再試埋[大砧板]中既<For Elise>, 嗰種琴聲既鏗鏘同像真度, 係我之前套機感受唔到既
Saint mic 既<Antonio's Song>, 同上面既結果一樣, 聽得出音樂係响左右喇叭既後方傳出, 可以感受到喇叭隱左形
再試埋結他聲, 表現合格有餘, 但驚喜就唔及鋼琴同交響樂喇
最後係我至愛既胡琳, 不過今次唔係想試人聲, 而係試<Oh 夜>既底音彈力, 同樣交到功課, 有彈力之餘冇拖泥帶水
最後總結, $4k幾既貨仔真係有驚喜, 分析力好, 聲音係有活力,有生氣同立體. 佢同一般用膽整流既膽機取向唔同, 佢唔會為表現出濃膽味而突出中頻, 佢係有d暖意之中而比較有線條. 但又唔會有石機個種硬. 而且只係用緊不知名國內膽(店主話係曙光, 不過膽上只印Made in China), 所以應該仲有進步空間.唯一唔好係冇遙控.
多謝收看, 不喜勿插 |
[複製鏈接]
發表於 2011-12-25 14:53
樓主
