磨尖、磨薄 毛鉗, 新增 螺絲批變雕刻刀, 刮夾口, 分模線工具

大佬John

上次話買左包雜o麥毛鉗, 有兩支本應係要尖先有用既鉗, 一D都唔尖, 仲要長短, 厚薄不一...
拎左舊磨刀石黎將佢磨尖, 磨薄... 得左~!
當然貴價野就唔駛咁搞, 不過有時跌野落地都會鈍左
應該仲可以用一字螺絲批整一套唔同闊度既雕刻刀出來

呢張相係磨之前, 左邊OK薄同OK尖, 但係右邊好厚又鈍


之後...終於可以用來撕Dymo貼紙之類

teddyng637

多謝師兄分享...

大佬John

今日行勻成個鴨記, 得兩間舖有賣筆刀, 其中有我想要呢set。另外成條鴨記得一間有1套6支既一字螺絲批, 其他全部都係4支一字搭兩支十字咁樣...不過呢套淨一字批就貴D..兩溝果D 十蚊有交易
導風喉 $140
白電油 $15
磁石10粒 $5
筆刀 $18
一字螺絲批 $30
關於導風喉 o係呢條link再講
http://www.post76.com/discuss/viewthread.php?tid=98767


其實套筆刀我只係想要其中一塊刀片, 係關刀咁彎刃, 打算用來刮分模線, 因為好多時分模線既位置因為縮膠, 凹左落去, 兩邊高左出來, 用平刀刮黎刮去都係刮到則邊..彎刀就可以刮到中間....Gaia同satellite-tools都有出類似既野(相中右邊), 但係要百幾蚊先有得玩


套一字螺絲批就打磨成雕刻刀, 主要用黎刮o係凹位既夾口, 唔係用黎推/剷/雕


用一隻手指按住個頭, 直線一下下拉, 只磨一邊, 直至可以介穿紙, 跟住用塊石滑果邊磨幾下, 如果背面有毛邊, 反轉拖一下好了..


例如KOG 腳指呢度, 兩塊part A, B 夾埋, 一層層野中間有夾口, 就用呢套野搞掂..


之後先知呢套批同Nomoken果套一樣...係唔同牌子, 寫made in Japan多數係呃人的
依家有一套 0.8, 1.4, 2.0, 2.4, 2.9, 3.8mm既刮刀可以用...(聽半隻CD既時間完成)

kennykky

大佬小心用呀，因為鋼水唔好
好易生銹同斷

marcolau

哩排筆刀廢到冇人有......
唔好咁無聊啦，真接買pack推刀啦.....

大佬John

回復 5# marcolau

果D推刀都係野雞黎o者...一係就要買富聯0.1x果D BMC...
我支野雞推刀0.5以上既都唔用黎推, 純綷用黎刮gap gap...好似上面KOG腳指咁, 要闊度差唔多先刮到下面平, 手頭又得支1mm, 果條gap 6mm, 有支3.8 咪可以兩下頭尾咁刮到6mm囉...推刀都唔覺有大過2mm, 用1.X來刮6mm出黎一定高低.
筆刀果盒只係用關刀, 用黎刮分模線...其他成盒俾左我老豆...同螺絲批唔同用法... 你去睇下Gaia果支野喇, ABS同自己複件有好多呢D 分模線縮左入去, 要成件磨平佢, 分分鐘走晒樣 或者冇左D details...

平時砌bandai冇乜呢D位, 呢隻KOG好多, 支槍有兩處, 一底一面, 一個係1.4mm多D, 一個係2mm, 30蚊加半個鐘作業, 又用得著, 係咪抵先
呢兩下特登刮俾你睇架咋, 話我無聊..

marcolau

回復  marcolau

果D推刀都係野雞黎o者...一係就要買富聯0.1x果D BMC...
我支野雞推刀0.5以上既都唔用黎推 ...
大佬John 發表於 2011-12-22 23:51

1mm板夾沙紙唔得咩...?
問吓啫，未玩過.....

XBOX LIVE一年一度減價....留意!...留意!

大佬John

回復 7# marcolau


影完呢張相之後, 刮多一兩三下 D灰就清晒, 下面係CA+爽身粉黎, 個底平左, 又有直角.
磨晒呢六支批一D都唔煩, 比起用砂紙 手要夾住 係咁重複D動作, 方便好多
wave呢件野高低級又大呢

6K我冇晒喇.

大佬John

回復 4# kennykky


PS. 用刮既好喇(輕手), 我都唔敢好似書咁用黎雕野(用力)

marcolau

推刀可去到3.5mm....