開盒及初試 Magic TV 7000D ~~~~~ 失望中

胡彬

not for sharing

yuppi

如果出年取消手機無限plan呢部咁貴既機仲有咩優勢？


- 發送自我的 iPhone 大板凳應用

ncyaa

我用咗呢部機近一年，出嘅時候都未有串流，所以串流對我嚟講係bonus。至於其他方面，佢可以一個搖控控制晒now/cable/同免費電視，用戶介面設計又易用，真係非常方便。

講返串流，師兄話一定要用wifi係唔正確嘅，小弟用lan線一樣用到，而且十分穩定，我都無買佢隻wifi手指。不過要留意係如果正在錄影或睇緊錄影節目，係不能串流嘅，明白這一點，串流嘅成功率應會提高。而且唔係一出現連接唔到MTV嘅信息一次就必定次次都失敗，有時確實係要試兩三次連線先會成功的，但出咗正式版6.02之後已經穩定好多。

另外，串流應該係可以啟動正在待機模式嘅now同cable解碼器嘅，以前好似試過，不過這點經過多次firmware更新唔知有無變，等回家後測試再向你報告。不過據說now同cable個解碼器使用時同待機模式耗電量差不多，因此其實亦不必關掉兩部解碼器。

點解師兄要犧牲hdmi input/output嚟做串流呢?其實串流去ipad，犧牲一組黃紅白已經足夠，出街用3G/公家wifi做串流畫質亦不可能太高。

點解師兄兩粒紅外線都貼喺cable個盒上面?只要貼嘅位置正確，貼一粒就夠，另外一粒貼喺now。

胡彬

Not for sharing

ncyaa

回復 4# 胡彬

胡彬兄，大人拿走了ipad出埠中，要明天才有機會試能否用streaming app來開機了。不過小弟剛才作了個小測試，我把有線和NOW解碼器關掉，然後用mtv嘅搖控轉台，發覺如果我轉去NOW嘅台，係會把NOW嘅解碼器喚醒嘅，不過NOW解碼器開機後default係會去咗100台，即使你係按101台或者其他now頻道，佢仍然會係停留喺100台，部magic tv唔識咁聽明等數十秒後自己再同你轉一次台，因此要人手再轉多次。至於有線，mtv係唔識啟動部待機中嘅解碼器嘅。

以此推斷，streaming app 可以喚醒now嘅解碼器但不能喚醒cable嘅解碼器。應該唔關新firmware或舊firmware事，小弟之前嘅說法有誤了。

小弟屋企兩個收費電視係長開嘅，cable嘅解碼器即使關掉仍然會睇到熄機前嘅頻道，部機根本仲運作緊，係慳唔到電嘅，至於now部機如果用機身上嘅開關應該慳到電，但用搖控開關制應該都係假熄機。小弟經常錄影(主要錄足球)，如果關掉解碼器好容易唔記得開返，因此長開係唯一辦法。

至於你說一定要用wifi，而且已經向magic tv的技術人員證實了。這點是100%錯的。一係技術人員太差勁，或可能問答之間各自誤會了對方意思罷。我從來無用任何wifi手指，不論係mtv原廠定係其他品牌。我一直都係用有線駁上網的。而且確實可以在家中及出街(3G同其他地方嘅wifi)用ipad streaming app睇電視同錄影節目，我大人去外國酒店wifi一樣可以駁返家中嘅MTV睇劇。不過呢個app確實好多時都唔能夠成功連線，明白你如果為咗呢個function而買呢部機係會失望。同埋呢個app一開始用時都要研究咗好耐先學識佢個port forwarding點set，因為唔同router有唔同介面，我相信佢無可能全部router嘅setting都列晒出嚟。家陣佢有個自動偵測網絡功能應該好好多。

其實市面上有D專係用嚟streaming 嘅產品，可靠性應該高好多，7000D出嘅時候係無呢個功能嘅，後期加上去，或多或少會受到硬件上嘅局限(例如要犧牲一組輸出輸入)，建議師兄既然都買咗，如果唔打算放番出去，好好享受其他功能罷。佢個電子節目表咁方便，又可以高清錄影有線，錄起佢高清電影台嘅片，真係blu-ray都買少好多。

TMX

我相信係setting 問題, 至於tech support 話不能apple router, 錯了, 我自己就係用apple airport wireless router 同普通wifi手指一隻, 完全冇問題, 我自己係一出7000D即買(冇streaming), 佢當時賣點係雙HDMI input, 即係可以錄到高清cable 節目, 因本人係球迷, 所以想要一部錄到高清睇波, 至於streaming 我也覺得係bonus ，但成功也有8,9成, 主要係睇network 問題...


- 發送自我的 iPhone 大板凳應用

Szelong

我用slingbox hd pro，只要好少bandwidth 就睇到，仲可以係公司電腦睇。
但如果有wifi 地方，MTV7000D 係高清好多

胡彬

Not for sharing

ncyaa

今日再聯絡MTV代理同反覆測試咗成晚, 得出以下結果

首先代理再一次宣稱 apple router 係不能做串流功能,  ...
胡彬 發表於 2011-12-21 00:35

胡彬兄，在mtv 推出新firmware之前，是要進入router嘅setting page入面設定port forward，然後再申請一個ddns嘅網址，等streaming app喺街外網絡都可以找到家中嘅7000D。

目前嘅新firmware，可以自動偵測到家中網絡嘅ip address，只要在家打開一次streaming app，同埋開咗佢個自動偵測，出到街便可以用，唔雖要任何setting。不過你用嘅router必須要支援UPnP(其實我唔知咩係UPnP)。小弟之前用pccw舊款嘅modem+router二合一，由於唔支援UPnP，所以要繼續用舊方法設定，換咗個新款之後就可以用佢個自動設定。

我估MTV嘅人同你講嘅意思，係必須用支援UPnP嘅router(而不是必須要無線)。只要你部7000d係連接支援UPnP嘅router，無論有線定無線，都可以streaming，而且有線更穩定。目前我的7000D係用lan線連接router，已經無數次在街上用streaming app睇電視。

佢隻MTV wifi手指咁少地方有得賣，如果一定要買佢隻手指先可以做streaming，豈不是好多人都無用呢個function?

ncyaa

另外，胡兄說MTV staff同你講不support apple router應該又是不正確的，下面magic tv官方嘅facebook 就有教如何設定apple router做streaming。

http://www.facebook.com/pages/Magic-TV/118406384841001