如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
我是個超級新手, 話說早幾日路過德x地庫, 一時衝動, 意亂情迷之下正想做分期買ProAc Tablette Anniversary之際, 突然諗起自己用緊的AV 6003未必食得起, 於是即刻撥個輪俾心兄資詢意見, 幸得心兄意見, ProAc 要有好amp才能充份發揮實力, 否則只會軟弱無力, 於是心裡團火即刻降溫, 在決定落單前即刻殺停!  
先謝過心兄的建設性提議, 感謝感謝!
火降左溫, 喇叭沒有買成, 但唔代身唔會痕, 只係痕左係其他地方! 
要換喇叭之前並發揮得好, 換amp變成無可避免的中途站, 於是把心一橫, 換左amp才換喇叭, 來個早來的BOXING DAY!
係旺角搬返沙田, 成10KG, 仲要無手推車仔, 真係好鬼死重! 但一諗起有新玩具, 就成個傻佬咁一路笑,一路搬返屋企, 嘿。
心兄有俾過不少建議, 但自己衰, 我是marantz fans, 前後兩部av amp都非常滿意其表現, 鍾意其優於女聲和爵士樂的日式聲音, 於是今次決定都係揀返marantaz。
開箱!
今次來了部marantz peral lite, 正式開始了我的影音分家生涯啦! 萬歲! 
全身照, 金光閃閃的真身, 實在靚爆鏡!
尚欠部碟機, 就成套馬仔西裝啦!
家中無位, 用鐵架頂住先!
至於換喇叭計劃, 唯有推後等AMP煲熟再行決定啦! 因為我乾塘啦, 要食樹皮過年 |
[複製鏈接]
發表於 2011-12-15 23:59
影音分家
樓主
