今日上左膽皇試機

obee

本來唔想講，但怕屈埋會傷身，所以作以下分享．
事原係我早幾日睇左呢個　ｐｏｓｔ：
http://www.post76.com/discuss/viewthread.php?tid=96886&extra=page%3D1
問樓主得知部機係膽皇度買，因為我幾鍾意佢個外型，所以今日就上去試下．
個膽皇老板好好服務，部機咁重都肯攞入房俾我試．仲問我有無帶碟．
我俾左隻碟佢試左一首歌，跟住我就問佢我屋企用緊嘅喇叭夾唔夾呢部機，佢即刻搖晒頭say no...我當堂灰晒
之後我坐番低，膽皇老板就繼續播下其他ｃｄ，完全無息機，我只係坐係度繼續欣賞（買唔到都聽下丫，難得膽皇老板無送我走...)
問題嚟，播左一兩首歌之後身邊嘅老婆就好似俾蚊針咁，又打喊路.... 真係令我覺得好失禮．咁我唯有唔該膽皇老板然後急急走啦．
其實我都唔想同老婆出街，因為佢無耐性，又怕迫．我同佢講過唔啱佢去，但佢就話兩公婆點可以分開行街．．．佢仲話”人地都唔想做你生意，仲乜係都唔走？係都要坐係度聽歌？知唔知個老婆急尿？仲好眼訓”．．．
佢擺明唔想做你生意？我唔覺，我覺得膽皇老板只係想俾多ｄ歌我聽或者睇下有無其他機想試，但絕對無打算叫我走．
至於急尿，真係屈機，我又唔係你個膀胱，點知?!
有個咁嘅老婆真係有如寒天飲冰水！

edlsang

回復 1# kenneth_obee


    Kenneth 兄 玩機永遠是男人世界.......
    其實應該係你老細吾想你繼續試下去居多 ！
    下次記住自己去罷了 ； 一來自由 D  , 二來吾會比佢知道你要付出價錢 ！

    既然星期日要陪老細 ，咁平日去 law  !

obee

回復  kenneth_obee


    Kenneth 兄 玩機永遠是男人世界.......
    其實應該係你老細吾想你 ...
edlsang 發表於 2011-12-11 19:38

係嘅，你講得啱！

raymond430

男人之苦.......
如果老細對hifi無興趣,真係自己搵日放工或放假去好d! 又或者下次分道揚鑣,帶老細去睇化妝品跟住自己去睇hifi,再約定個時間去某cafe嘆tea!

sunboy

本來唔想講，但怕屈埋會傷身，所以作以下分享．
事原係我早幾日睇左呢個　ｐｏｓｔ：

問樓主得知部機係膽 ...
kenneth_obee 發表於 2011-12-11 19:06

  下次你揾我或者任何一位76師兄陪你去試音好過啦..............

obee

回復 5# sunboy


    好丫！
其實今日試完令我有衝動想換左對喇叭！

sunboy

回復  sunboy


    好丫！
其實今日試完令我有衝動想換左對喇叭！
kenneth_obee 發表於 2011-12-11 20:57

    有前輩話最好先決定買甚麽喇叭才考慮用甚麽擴音機去推,除非師兄真是十分喜歡該擴音機的音色,否則應試清楚才作決定!

Lester

回復  sunboy


    好丫！
其實今日試完令我有衝動想換左對喇叭！
kenneth_obee 發表於 2011-12-11 20:57

    ching 你吾記得講試完部野有咩感覺,快D去2CH區出番個post啦

andytam

ching,請問膽皇地址在哪裡?

Thor

CHING用什麼喇叭唔夾膽機?