小小心得分享~~Oyaide EE/F-S 2.6

ropresident · 發表於 2011-12-10 16:22

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

小弟用左呢條2.6都有6年了. 但最近又Upgrade, 所以又再體會多d, 小弟係到分享多d, 希望多d師兄都可以玩得好呢條線吧

話說小弟本身係6年前用緊cambridge 640c v2的, 剛剛玩hifi就當然咩都唔識, 要多d請教啦. 係唔知咩情況之下, 小弟被介紹上去秋記買野, 因為服務好.咁當時去到就想買一條cd機 + amp既線, 佢地就介紹左我aet hcr插cd機, 2.6插amp了. 但係煲左都有兩個月, 聲音係好左好多, 但低頻就好弱, 唔似3路分音既座地喇叭咁. 於是就試下aet 同 2.6 掉轉插黎試下. 點知一插, d聲厚返好Q多, 音樂感都大大增強, 後尾連AET hcr都要掉

見到有咁大轉變, 就梗係再買多條返黎插埋amp啦, 情況亦一樣, 聲音再厚返d, 人聲亦更順耳, 連分析力, 空間感都大增

直到2011年暑假, 玩左6年之下, 做人既就當然想進步, 於是係sunfire到拎條aet hce evo, denon到又拎條tunami 黎試下, 發現原來轉用aet係可以高低頻伸廷得好咁多喎

於是又開始買線既日子

如是者買呀買, 試呀試, 借呀借 ........
多次不同地方比較, 原來oyaide2.6 係有著超高分析力, 分離度, 力量感, 再加上人聲順滑, 係呢幾方面真係一絕, 小弟雖然未試過好多條, 但都幾sure單講呢幾方面係無咩人有能力KO到佢.
不過正如頭先小弟所講, 2.6既高低頻伸廷, 同埋空間感係明顯較差的, 同佢身價差好遠.
但係有一點又好奇怪喎, 如果拎2.6黎放拖板就有問題, 反之拎佢黎做cd機 / amp線, 又唔係咁差喎

係呢個層面上又反覆多次實驗, 原來2.6比到你既就係得分析力, 分離度, 力量感, 順滑. 再多就無了, 不過係佢之前比d其他野佢, 佢又絕大部分都比得返出黎喎, 而且仲有自己既好處. 換句話講, 你要佢好全面咁比野你, 你就要知道佢既不足, 係佢開跑之前就食定補品, 咁就做到好完美了.
小小分享, 希望各位師兄可以多多回帖支持