台中遊記 (一)

ivanyiu

是次台中遊, 就如鋼琴一樣黑....黑到立立令....

遊台小 Tips:
1. 台幣找換: 千萬唔好係機場既 TravelEx 做找換. 因其食水之深真係嚇壞人，好似找換台幣咁. 係佢到唱既話. $1 HKD = $3.4 NTD, 但係你去到台灣既機場臺灣銀行, $1 HKD -> $3.76 NTD. 就算你使唔哂D錢. 都係係台灣兌番做港幣比較化算。

2. 安排行程，如果你唔係去台北市區, 捷運容易到達既地方, 最好都係搵一D做當地 local tour 既公司幫手安排行程, 一黎佢地熟路, 二黎你亦可以包車. 例如你有四個人去既話. 包一台車玩幾日絕對化算.

Day 1: 台中小休
落機大概中午, check-in 後心諗四圍 walk 下搵野食啦. 點知見到好多鋪頭都唔開.....


法國菜...唔開.


溫馨小屋.....已收工.


私房菜....唔開.

原來星期一係台灣既公休日, 即係如果場地係星期日有開工既話. 星期一佢地通常都會休息既..........

已經行到 2:30p.m. 正擔心會餓親我女皇之際, 俾我搵到佢. 一間意大利餐廳. 佢竟然有開工. 仲有 tea time .... 咪理. 食左先算喇.




心諗俾人放血都係要食架啦. 點知都幾驚喜. 其實你話香港係美食天堂, 我真係有保留. 今日地產霸權攪到個個搵埋唔夠交租. 食市但求生存, 真係D野食有咁少得咁少. 有咁貴得貴咁. 質數都唔易保持. 好食既. 天價, 下價既 ... 俾D連鎖店做哂. 好唔好食. 大家心照. 但係係台灣, 往往會俾我見到好多好用心做既餐廳, 雖然可能好細間. 但係你會見到佢地對間鋪仔既用心.





簡簡單單既意粉. 好耐都冇食過煮得剛好既意粉. 餐點包一個湯, 一份新鮮既果仁麵包(係真係新鮮. 唔係餐包), 我地一人叫多一杯野飲. 埋單先係 $800 台幣. 即係一人食左 $100 HKD. 但係佢既份量比一般係香港食到既要大一點. 個人滿意.

食飽, 諗住去台灣國立美術館行下. 點知....都係星期一公休.






咁就返酒店抖下先囉唯有. 不過黎緊要介紹一個好地方大家食野既.

赤鬼


全名係赤鬼牛排餐廳, 設網上訂位, 因為都幾多人去既. 訂位會好D唔駛等咁耐, 餐廳由夜市做到變左連鎖店, 堅持以最低價錢提供最優質牛排。咁到底有幾平呢?


溫泉蛋


任添既湯, 有兩款. 都係紅同白啦.


沙律一客





我叫左菲力牛排. 好多油花, 好味!


女皇既燒雞, 皮薄肉嫩, 勁好味.

其實仲有一客燒魚, 細細件. 不過冇影相. 大家估下兩個人食左幾多錢? .......... 係唔駛 $800 台幣. 係一人都唔駛$100 港銀 ...   我諗香港唔會係咁既價位內食到似樣既定食喇.

打住咁多先. 真係要分開打幾日行程. forum 冇暫存功能. 唔好誤會我呃 post.!

plnl88

是次台中遊, 就如鋼琴一樣黑....黑到立立令....  

遊台小 Tips:
1. 台幣找換: 千萬唔好係機場既 ...
ivanyiu 發表於 2011-12-4 23:59

狐狸先生，好多正相呀！
住邊呀？
有無去誠品呀？

ivanyiu

狐狸先生，好多正相呀！
plnl88 發表於 2011-12-5 00:05

    相唔正喇. 小弟真係冇咩天份. 唔識影相 .... 可以俾人毒小一樣. 今次旅行架似樣D既相機都係我地本壇名人六師兄借架咋.

plnl88

相唔正喇. 小弟真係冇咩天份. 唔識影相 .... 可以俾人毒小一樣. 今次旅行架似樣D既相機都係我地本壇 ...
ivanyiu 發表於 2011-12-5 00:09

住邊呀？
有無去誠品呀？

ivanyiu

狐狸先生，好多正相呀！
住邊呀？
有無去誠品呀？
plnl88 發表於 2011-12-5 00:05

    水晶兄, 相 update 番喇. 我發覺 D post 唔可以慢慢打完先出架. D相係會唔見哂. 亦未有得 save 住先. 所以決定分開幾日出喇.

ivanyiu

住邊呀？
有無去誠品呀？
plnl88 發表於 2011-12-5 00:10

最後一 day 上左台北. 係車站左近住, 車站個誠品商圈入面間『佳佳』又點會唔行. 等等我...有時間會 post 埋佢架喇.

edlsang

狐兄影得不錯呀 ！

plnl88

最後一 day 上左台北. 係車站左近住, 車站個誠品商圈入面間『佳佳』又點會唔行. 等等我...有時間會 pos ...
ivanyiu 發表於 2011-12-5 00:13

係 台中誠品呀。

ivanyiu

係 台中誠品呀。
plnl88 發表於 2011-12-5 00:16

    台中冇去喇. 呢次都係去郊遊多. 第二日就上左清境喇.

rlwk2009

好多正相呀！