如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
今晚收得夜, 所以又煮唔到飯食, 咁就決定番屋企樓下食煲仔飯啦! 因為每逄差唔多冬天哩間野先會有煲仔飯賣, 而我亦都係常客. 咁o岩哩排天氣又轉涼真係o岩哂!
門面已經強調, 你地會食上隱... 係咪真係? 睇住相話你知:P
煲仔飯阿叔既檔攤, 佢係比人挖角過黎的:D
店內環境, 左邊係出品粉麵的.
煲仔飯既list , $45-50
二人行點了2個煲仔飯, 冇叫野飲啦, 因為哩度晚飯會送例湯的, 是真材實料的老火湯.
是日例湯, 有南瓜, 眉豆, 粟米, 紅蘿蔔等等材料, 夠真材實料吧?
北菇田雞煲仔飯
蝦乾肉餅煲仔飯
好o勒, 等左20分鐘左右, 煲仔飯就送到眼前了. 食煲仔飯首要係打開蓋落豉油再蓋蓋焗一陣, 約2分鐘左右吧. 一打開香噴噴! 個北菇田雞, 田雞就"鞋"左少少, 冬菇好入味; 蝦乾肉餅係我至愛, 佢個肉餅真係一流, 醃得入味又唔會"鞋", 配埋蝦乾既咸鮮味, 冇得頂!
d飯真係粒粒分明架! 飯煮得恰到好處, 好有o趙頭, 岩我口味, 煲仔飯d 飯太腍唔好食的!
實在太好食了, 清光!
所以冬天屋企冇飯開, 哩度就會變左我既飯堂, 平日都還好~ 未至於要等位, 但係星期六, 日7點左右就開始要等位, 就算等到位你都要有耐性等食, 食得煲仔飯你就預左要等架啦, 唔等得既平日黎會好少少:P
消費: $45/ 位
味道: ★★★★★
地址: 鴨脷洲鴨脷洲大街128號
|
[複製鏈接]
發表於 2011-12-3 12:15
樓主
