其實想問好耐, 點解"旺角地庫姐姐"...

XPR

其實想問好耐,
點解"旺角地庫姐姐"...
可以租水貨Blu-ray碟?
唔怕俾香港發行"炸型"?
佢地同"發行"關系好好的嗎?
(唔識先問、有錯勿插)

史提芬周

同一道理，HMV成間都好多一區碟賣，點解又唔怕發行"炸型"？

其實道理好簡單，香港代理只會檢舉只賣六區碟的舖頭，因為告左佢地對代理完全無利益衝突...

好似德發或者HMV等等，佢地除左賣美歐日版外，仲會同香港代理聆好多行貨，香港代理告到佢地執埋，邊個幫佢地出貨？

282000

告左掃得多貨有獎金俾返金手指

阿定

"發行" 都怕左佢地吧！

小瑟

我都想知, 好似得利果D咁, 德發係咁賣韓版, 其實都好影響佢地生意, 點解佢地唔郁手呢???

lkljason

我個人估計

1. 果d鋪頭唔係齋買水貨碟，行貨既出貨都唔會小。 (好似買x送x果d其實都係sale緊行貨啦)

2. 價錢都算貼近行貨，無大陸版差距咁大。

3. 賣得d水貨碟而如果香港又未上畫既，港產片應該唔包括在內，做野果多數都是係驚影響票房收入姐。

阿定

我由個人估計

1. 佢地入行貨的數有番咁上下大，停貨比佢地，以德發的力量，全線入水貨來賣都唔會死，但代理斷左德發d路就食少好多，而且養成大家睇水貨的習慣就仲大件事！

2. 現在主力打擊的都係大陸版，因為真係平好多，其次係打擊一般的DVD租賃，水貨BluRay同美版碟跟本影響唔大，

3. 版權持有人未必係香港，德發賣水貨的量始終有限，而且價格同行貨相差不多，日版德版等仲要貴d添，要花錢提交證據去叫海關做野，不如當睇唔到算！

eric_on

租碟呢個問題我就唔敢講，只係用家意見，如果香港發行的BD，質數好，出得快，就算價錢高小小。我諗D水貨都會自然死忙，好可惜......香港D發行商唔爭氣，而且以前DVD時代，美版一定貴過港版，依家就差唔多，有D重要港版貴D，食水咁深...唔支持...
而且依家上外國網買碟咁方便，佢地重唔做下野，死得重怏呀！

小瑟

大家都講得幾有道理, 好, 咁我地就 keep住支持其他版本啦!!!!

XPR

純粹分享下, 有錯請指正
我都問過兩間小型租碟鋪,
佢地話"代理"/"發行" 執得好緊,
如有發現出租"水貨"藍光碟, 或出租"零售版"藍光碟
會即時停止供應其他正版影碟俾佢地,
更有可能收律師信,
租碟鋪又話, 現實D講, 以現在一隻藍光碟既價錢,
而睇 BD 既都係發燒友多, (睇 VCD 既人仍係大多數)
但發燒友只係少數,
買返黎要租幾多次先為到本?
其實就好似當年 DVD 剛剛起步咁,
個個情願去買 美版+字幕盒
因為香港代理發行 自己都唔爭氣!  有乜好講?!
睇下人地 德版、韓版 , 出碟又快,價錢平,包裝又精美.
港版?   一個盒、一張封面、一隻碟 ,  咁就二百幾....
(講得太多, Sorry)