GigaWatt PF 1 & PF 2 六位拖板

ckw3031 · 發表於 2011-11-29 21:09

本帖最後由 ckw3031 於 2011-11-29 21:10 編輯

Part One
GigaWatt呢隻品牌來自歐洲波蘭，廠方主要做音響電源產品，如電源處理器，Filter拖板，電源線等。
本身出產的電源產品只有歐洲制式，於2011年廠方為其產品加了美式，以便打入香港市場。
而小弟當時正尋找一些數千元的拖板，加上對來佬貨特別有興趣，於是係官網睇下個拖板資料，據官網講個拖板設計比Audio及Video用，內部用料及設計可看（http://www.gigawatt.eu/products2_a.html) 。
初步係代理度聽過感覺良好，二話不說便買入下來回家慢慢試。返到屋企換上呢個PF1之後，第一個感覺係背景靜咗好多，冇咗好多noise，比直入牆有好大分別，相信係三重filter的功效。之後經過反覆測試，用咗個拖扳之後，聲音喺細節及層次方面有明顯改善，聽多咗嘢，又立体咗。而動態及控制力也比直入牆好(包括插Amp)，聽起來淡定咗，連貫D，播大棚嘢時，瞬變明顯好咗，冇咁亂，節奏感也加強咗，音場深闊度好咗，密度有小許提高。
而音色方面帶清爽，人聲略帶感情，線條感出色，尤其低頻線條收得靚，今低頻彈跳力正好多，聽鼓聲時明顯出到更好的鼓皮聲。
由於係filter PB，起初也擔心會cut頻或插Amp會冇咁好力，但試用之後發現完全沒cut頻的情況出現，插Amp後控制力仲好D。
而將電視插落去用，明顯冇咁多noise，畫面乾淨咗，黑白分明D，光度有小許增加，邊位收靚咗。

Part Two PF1 vs PF2
話說我買咗PF1，而朋友就買咗PF2，由於原先只打算買個數千元PB，因此冇試埋PF2，而PF1的價錢與PF2相差一陪。之後朋友成日話PF2勁好多，攪到我心思思，我問朋友PF2效果有冇一陪PF1效果先？佢拍晒心口話一定有，我心諗咁有信心......好，就叫多兩名考官來考下係咪真係有一陪效果先。
於是相約兩名考官及朋友到小弟家玩下。個PF2外形同PF1差不多，係厚身D及重D，睇官網見到PF2裏面用咗一D牛及電容等物料(http://www.gigawatt.eu/pdf/pf2.pdf?stdl=1)。
起初先用PF1聽一段時間，之後再換PF2出聲不夠十秒，身後兩位考官已出聲講話呢個好好多，真有一陪PF1效果。我朋友當然尖尖自起，我內心已想....早之買PF2啦。之後再聽多一段時間，覺得PF2比PF1靜好多，音埸更深闊，細節更多，低頻彈跳力更明顯，瞬變及節奏更連貫，密度也有提升，整體更淡定，本來中低頻段不足的情況，也得到改善。PF2比到一種高性能拖板的感覺給我。而家個心成日囉囉戀。

Part Three PF1串聯PF2
正常下係唔會咁玩，難得朋友帶條PF2來，先試下串聯的效果。先用Audio Ultra Pattern行頭插PF2再用Gutwire 6.1串聯PF1行尾，一出聲明顯聽到密度大幅提升，好似加了部A類後級咁，帶個音場撐開晒，而且係有密度果種。力量，動態及淡定度有好明顯改善，靜度當然也更好啦。但是音埸深度反而企前左，小左分離度，聲音也比較緊。
於是將PF1行頭PF2行尾，在呢個方式下，聲音密度與之前差不多，但音埸就後返啲，立體感較好，連貫度也再好啲，使聲音較自然及舒服。