Purist Audio Design PAD Silver SC

tomc

小弟個人都好鐘意PAD，師兄係隔離台關於PAD線報告，小弟都睇唔少亦將之作為參考！

從使用入門版Musaeus XLR二級跳上Aqueous XLR，SC，JC已經無銀力再上了！

PAD係呢度算較少人用及評價，難得師兄入左條靚蛇，可否再加多個靚靚報告？等小弟及其他師兄參考！

ckw3031

小弟個人都好鐘意PAD，師兄係隔離台關於PAD線報告，小弟都睇唔少亦將之作為參考！

從使用入門版Musace XLR ...
tomc 發表於 2011-11-28 13:04

多謝支持，等我整理下報告先。
呢條我都係硬著頭皮直上，但—定有買貴，冇買錯。

ckw3031

小弟由07年開始接觸音響產品。當年PAD仲係Revision C年代，我用過Musaeus IC及PC，PAD比我的感覺係味道形的線材，中頻潤滑，舒服，人聲吸引，但比較慢聲，高音不足及比較暗，低音也較肥等缺點，尤其喺Musaeus級更加特顯其缺點，要用到20th週年或以上先好啲。

直到09年初，PAD推出新一代的Praesto Revision，呢一代可以話一大特進步，呢一代小弟曾用過Starr IC，Musaeus PC/IC，Aqueous IC，Venustas PC/IC/SC。呢一代改良咗高音較暗，低音肥，速度慢等問題。高音比Rev C出得更好及圓滑，係Musaeus級已唔覺暗，中頻冇咁厚慢，但也保持到PAD那種柔情舒服感，低音也冇咗太肥的感覺，當然也達唔到收得好好線條那種，好潛及很有質感的低音，但也可達到合格的程度。

直到11年，PAD出了25th級的頂級線材，但財力有限，未能擁有，只能在代理度聽過下PC/IC數首歌，也不敢再聽下去，怕洗唔到腦。其後，得知PAD用了25th及其銀物料做出Silver系列，並且在亞洲區首先開售，中國首先有售，於是馬上到代理試聽此Silver系列，包括SC/IC/PC。

跟據過往煲PAD線材及用過往的Revision，當新線一開聲，線材音效已達七成功力，當煲線過程至50-100小時，進入衰聲期，線材音效好像跌Watt咁，得返三成功力，直到煲好晒，便會特然嚟料，出晒十成功力，變得好聲。

但今次試呢隻Silver系列的感覺，就比過往的Revision有好分別。話說去到代理度見到Silver線材，白色線身，網底帶點淺藍色，我已被其全新形象深深吸引注，也很期望Silver系列能出到驚喜的效果。二話不說便將代理聽緊的Musaeus SC換上Silver SC。一開聲，聽一首歌，我心中已覺得好普通，只係好過Aqueos小許，隨即問價，代理話約兩萬中，我立刻吊貓拆蟹咁話唔合理喎，連Ven仔也贏唔都，音色比較清，係細緻咗，但完全唔係高級線的表演，一心唸住買，但咁嘅表現與價錢不成正比，使我好失望。

試完條SC已經大失所望，隨即試埋條Silver IC，同樣地覺得平平無其，心想係咪未煲所以咁呢？但就算新線末煲，以其價位也不應如此表現。

隨後再試埋PC，PC外形同Aqueous相似，只是用咗白色外網，網底同樣帶淺籃色，頭尾插就用上Wattgate Ag。

將PC插在Running Spring Haley conditioner上行頭試，呢PC一開聲就比比到驚喜我，不像SC/IC般冇料到，但條PC同樣也是全新，已有種達七成功力的感覺。

呢條Silver PC比到一種好鏗鏘高音，明亮但不尖不刺耳，中音也不能再叫厚聲，而係叫有質感帶感情那種，也可以形容為保留小許PAD味道，低音出奇地潛，以往PAD的低音係唔會有打落地的感覺，今次就做到潛的效果。人聲結象清晰分明，線條感好靚，速度及力量也很好，用作來行頭也不覺得乏力。

但可惜我的目標係SC，當日帶着不愉快的心情回家，真係期望越大失望越大。

過咗兩日後，再去到代理度閒談下，一上到去見到條白蛇仲煲緊，我就問煲咗幾耐？代理話由我試當日計，已有十幾小時。於是我抱住比多次幾會條白蛇心態，睇下佢有冇能力毒到我先。

播首Eagles Hotel California聽下先，開聲數秒已聽到條白蛇唔同咗聲，一路聽已覺得條白蛇好條脫咗皮咁，比起兩日前完全脫胎換骨，播到Hotel California好有現場感，好立體下，結他聲鏗鏘而又有彈力，低音潛而實淨。聽咗幾首歌已中咗蛇毒，馬上比錢抬條蛇返去慢慢再作測試。

返到屋企駁好後，首要試下高音會唔會刺耳先，因擔心銀會刺耳，但聽咗幾首女聲，高音也不會刺耳。再用不同類型音樂去試，經過一個多小時測後，我己覺得呢條白色毒蛇比Ven仔強，但音色就有小許不用。

白蛇的高音比較光輝明亮，中音有質帶點感情，但就冇咗PAD那種柔和感，低音潛及線條好，低音的墊底質感好實在，還做到小許鼓形感, 低音部分比Ven仔做得更靚。

聲音感度，細緻度，線條感，分離度，樂器形體，定位，立體感也ven仔造得更好，當播放複雜的音樂時，係穩定性放面，白蛇可次話好出色。

弱音清晰，微動能力也不錯，瞬變及動態可以話冇任何挑剔，連貫感極好，播放高速音樂時完全控制自如。

試完Silver及25th系列後，發現兩者的IC/SC係頭十小時，可以話冇乜表現，當去到近二十小時，真功夫先開始出來。但PC就冇呢種現象，一插已比到一定的表現出來。

補充小小我對呢白蛇的睇法，經過聽不同類型的音樂後，覺得喺播放一些複雜的音樂表現得非常出色，能將不同樂器的定位，及形體分明地展現出來，而且仲有立體感的，聲音質感實在，令樂器的像真度提高不小。

當要求瞬間爆發或突然收放時，白蛇可以話處理得好好，好穩定，收放自如。音與音之間不會有一種起角或連接不順等，非常連貫。低音的表現係我最喜歡的一環，之前聽開的Voodoo SC係潛，但就有一種實在的墊底質感。

但白色能做到潛而有線條，會收圓做到鼓形那種，而且有低音墊底那種質感，使聽鋼琴的琴鍵聲更實在，像真， 生動，而家聽鋼琴好聽好多。

此外，由於白蛇的高音帶鏗鏘有力，使聽一些彈撥弦樂時，特別清脆有彈跳感，聽古箏，結他等非常正！

多謝收看，不喜匆插。

tomc

小弟由07年開始接觸音響產品。當年PAD仲係Revision C年代，我用過Musaeus IC及PC，PAD比我的感覺係味道形的 ...
ckw3031 發表於 2011-11-28 14:53

多謝師兄非常詳盡報告！

完全同意師兄評價PAD線材特性！

其實PAD每一級別線材性格都相類似，只視乎內裡所含不同金屬成份，表現就有所不同！

好似Musaes 含有sliver成份，所以高音比較響亮，聽電結他好有金屬味道；

Aqueous 含有gold成份，高音通透帶貴氣，聽鋼琴好真實而且可以表現出貴價鋼琴所發出嘅質感。

當然！一分錢一分貨，越高級PAD音質越表現得高啦！

真希望有機會家訪師兄，一睹條銀蛇真身，再比佢咬兩啖，然後回家等毒發！

ckw3031

多謝師兄非常詳盡報告！

完全同意師兄評價PAD線材特性！

其實PAD每一級別線材性格都相類似，只視乎內裡 ...
tomc 發表於 2011-11-28 16:21

好呀，你想被佢咬下，我帶佢去探下你都得，但你要準備定血清喎。哈哈.....

tomc

好呀，你想被佢咬下，我帶佢去探下你都得，但你要準備定血清喎。哈哈..... ...
ckw3031 發表於 2011-11-28 19:01

非常歡迎師兄光臨寒舍比啲意見小弟！
PP101師兄係咪去你到啊？我同佢都熟嫁，可以約埋一齊去嗎？

ckw3031

非常歡迎師兄光臨寒舍比啲意見小弟！
PP101師兄係咪去你到啊？我同佢都熟嫁，可以約埋一齊去嗎？ ...
tomc 發表於 2011-11-28 19:11

約了明天下午帶幾條蛇，龍去咬佢。
你有空嗎？

tomc

約了明天下午帶幾條蛇，龍去咬佢。
你有空嗎？
ckw3031 發表於 2011-11-28 20:51

哎唷！聼日要返工呀！放左工番去訓一陣，夜晚再要踩通頂，星期三先day off呀！

無計！唯有下次等你上我度啦！

ckw3031

哎唷！聼日要返工呀！放左工番去訓一陣，夜晚再要踩通頂，星期三先day off呀！

無計！唯有下次等你上我 ...
tomc 發表於 2011-11-28 23:10

Ok, see u next time.

ckw3031

早幾日朋友帶了PAD Ven SC，終於試咗煲好的Ven仔SC同Silver SC比較。
可以sure Silver的級數係高過Ven仔了，效果仲要係贏幾多下，我覺人個得直頭KO咗Ven SC。
有用過再高一級的PAD Corvus SC師兄也在埸，佢也說silver某方面也贏埋Corvus。
証明我當日有耳光，在冇比較下也膽粗粗入手呢條silver，現再比較完可以飲得杯落了。