舊歌舊戲...

mankoo米高

剛睇完網友對新片"奧大利亞"嘅片語，令我有啲感想，
大家覺唔覺現在啲戲呀歌呀真係無十幾廿年前出品咁好睇，
好多大製作到頭來都係差得好離譜(慘不忍睹果隻)，
爛片比例高好多，啲歌聽極都好似無乜印像咁，
回想吓以前好簡單揾套港產片都好睇過現在多多聲，
(家吓只係特技，cg動畫嗰啲就叻，內容就...)
現今唔知點解全世界啲創作人都好似無哂創作力咁(全球性)，
就算連夜晚開電視啲劇集同劇集主提曲都無以往咁好，
係咪我老咗唔識接受新嘢呀？但我又好鍾意"黑夜之神"喎
如果唔係又點解會有咁嘅現像呢(仲越嚟越嚴重)？

係大家心目中，永遠都記得嘅歌，感動或笑死你嘅戲喺邊個年頭嘅產品？

LAWSON

而家睇既戲都係得返D大師級作品先叫有D味有D MESSAGE.
黑夜之神我都覺得太做作,唔得自然. 好多原素都比第一集用過哂.
港產電影有D睇返都覺得係老土左過左時,因為有部份既戲係加左當時既社會風氣.
新既港片,可能制作人同導演都唔夠人生閱歷啦,佢可以講D咩故仔比你聽呢.故仔資料小,自己唔夠SOLID.說服力低,觀眾自然唔投入. 演員亦一樣. 所以有時D外地演員反而會更有氣質.
如果以舊港產片來計,我好喜歡秋天的童話. 打破世俗,但又愛得含蓄
歌就好多都好聽過而家啦.黑人音樂影嚮哂全球已經好多年. 走既方向同以前都唔同哂.唔O岩聽真係唔出奇,你都唔會幾十歲重嚮到扮板仔指手劃腳啦. 我就連用膠水GEL硬GEL亂個頭都唔會.

小瑟

其實又可能調返轉頭咁講, 好多野同好多橋段大家都睇過, 就算幾咁絕都見過哂勒, 好難再有到D咩突破, 所以就難滿足左囉. 好似以前細個第一次係戲院睇 T2 , 真係勁到冇朋友, SURROUND勁到成個人都投入哂, 之後就變相怪杰, 又係睇到拍哂手, 依家你再問我有冇咩戲有果種震撼力, SORRY, 真係冇了. 不過我始終都會鐘意睇戲, 就係因為之前講呢二套片另我對電影有永久既上引!!!

PS: BATMAN BEGIN之後, 我對 BATMAN既戲更加鐘意, 直頭係我偶像!!!!