神探伽俐略 - 容疑者X之獻身....J J 小評 (含內容)

lkljason

襯元旦日假期用埋張coupon睇呢套神探伽俐略，鐘意電視版既朋友相信都會喜歡呢套電影版，就算未睇過，你當獨立戲黎睇應該都無乜問題，當然就會無左d親切感啦！

故事唔算好特別，天才對天才大鬥法，不過如果唔係花岡靖子最後自首，伽俐略都無証據指証佢就係兇手，所以對伽俐略黎講我覺得都算係輸。仲有玩兩巨屍體所以有不在場証據呢o下亦都估佢唔到。套戲除左有福山雅治同柴崎幸外，仲有好戲之人松雪泰子同堤真一，今次呢個案件可能同物理無乜關係，所以伽俐略連招牌手勢同鬼劃符都無埋，129分鐘既戲對我黎講無悶場，最後仲有d感動位添。仲有呢套電影版一d都無交代湯川同內海既感情發展啊！


總結：值得一睇，不過大節流流睇呢d戲有點兒sad啊！

劉一舟

電影版開端可以說是緊接去年日本播放 (即三色台前排播放) 的特別篇，喺過去十多集加特別篇內，福山雅治飾演的湯川學和柴咲幸飾演的內海薰可以話係由頭帶到尾，但今齣電影版就變成了配角，尤以柴咲幸，她的演出真係可有可無，同埋與福山對手戲完全無火花 (唔係講愛火)，最好睇竟然是配角 (應該係主角) 堤真一和松雪泰子，福山幼嫰演技與堤真一精彩的演出相比下即刻相形見拙，佢係咁多日本演員中我幾鍾意睇的其中一位，當年喺米蘭電影節睇《盜信情緣》已經對佢特別留意；至於《白鳥麗子》 的松雪泰子，在此片徐娘半老，演那個與女兒相依為命的過氣陪酒女郎，雖然風華不再但在此片演出亦見其真章；故事比電視版有一點不同，往日電視版通常案件發生，跟著由湯川學去解謎追兇，但電影版則一早講咗個真兇俾你知，等觀眾睇吓男主角點拆局，但怎知此片結局倒過來變咗男主角雖算破到案，但其實由戲裏內外都輸咗俾堤真一飾演的石神哲哉，我心想會否是導演西谷弘的原意呢？其實案件不算複雜，屍體和時間我都估中，唯獨我亦太低估戲中石神對松雪泰子飾演的花岡靖子的愛，佢竟然為咗心愛的女人而作出這個天理不容的事，看畢真係有點灰，最後當然例牌係好人有好報，壞人有報應啦。此片雖然比織田裕二的《跳躍大搜查線》差少少，但少了我好怕的日本片一貫慢調，所以喺百二分鐘內都冇乜悶場，淨係睇堤真一與松雪泰子已經值回票價，極期待千勣的港版。

此片我會給75分 (100分為滿分)

爱迪诗

2009年03月18日
『容疑者Xの献身 ブルーレイディスク』
・ピクチャーディスク（2枚組）
【特典DISC】 （収録分数:約73分） 　
・容疑者Xの誕生！～ガリレオシリーズ ベストセラー秘話～
・湯川学を徹底検証！～ドラマから映画化、そして公開まで～
・メイキング オブ オープニング
・メイキング オブ 雪山登山
・予告編集<特報/予告編（2種）/TVスポット/プロモーション映像>
※BDの特典ディスクはDVDになります。
※デザインならびに内容は変更になる場合があります。予めご了承下さい。

言語 : 日本語
字幕 : 日本語
音声 : 日本語 - PCM 5.1 Ch Surround, 日本語 - DTS HD Master 5.1 Ch

爱迪诗

不知各位是否有兴趣？

劉一舟

不知各位是否有兴趣？
爱迪诗 發表於 2009-2-10 13:03

呢套雖然好睇，但雙碟日版BD折實港紙好貴，睇吓千勣點出再算！！！

爱迪诗

我看过TV版，剧场版一直没有看。
故事性的确很精彩！音乐和女猪脚都好靓虾！

劉一舟

千勣港版DVD將於3月20日上架，有日粵語選擇！！！

lkljason

睇黎出到港版bd既機會好渺茫了

名偵探柯南

都應該可以叫做無機會睇o下有無台版重好。