Christmas Holiday

lkljason

一連幾日假期去左邊呢？我就.......

12/24 - 放早無乜世藝返左沙田買交換禮物，之後一家三口食日本野當慶祝平安夜就歸家早斗！

12/25 - 訓到12點，落街食d野就去左老細個家姐新居入伙兼Gathering Christmas Party，影下相、BBQ，最重要到交換禮物時間，雖然大部份都係d唔等使野，但係開出黎笑餐飽玩個氣氛都夠晒啦！

12/26 - 都係訓到11,2點，老細有局，自己單拖出MK巡視o下業務，掃左隻batman bd，跟手買左d漫畫、手指仔同card reader，之後返老媽子屋企開大食會同交換禮物，傾傾下又一晚勒！

12/27 - 仍然係訓到11,2點，出尖咀飛個靚髮，夜晚就約左d friend入荃灣小肥羊打邊爐，原來荃灣d食肆真係靜過鬼，連下面果間稻香同意粉屋都唔使等位 (當時只係9點幾)，同沙田果兩間簡值天淵之別，聽講唔係好多間小肥羊有任食架炸，呢間係其中一間！

12/28 - 全日都係屋企嘆透(除左落左街食野同買"送"外)，夜晚無乜野做開左套明日之後bd黎重溫，估唔到老細同個囡都睇得好開心，睇完岩岩fit到睇伽俐略！

咁就過左四日假！
我已經期待緊1/1假期啦！

LAWSON

12/24 - 返歸睇戲

12/25 - 外母出尼

12/26 - 天水圍老婆舊同事屋企聚會.

12/27 - 外母出尼

12/28 - 訓醒食野.跟住有菲律實家努助理來試工

12/29 - 返工

小瑟

12/24 早收一個鐘, 之後就返外母屋企湊亞女返歸!!!

12/25 整完牙食唔到野, 老友來左我屋企探女同祝聖誕!!

12/26 一早就同亞囡出去九龍灣飲茶, 之後係德福行街, 夜晚就一家三口係屋企休息!!

12/27 老婆朋友來我屋企探訪, 勁多人勁嘈, 抱足亞囡成晚, 佢就眼訓到不得了, 不過因為八卦, 就點都唔肯訓, 最後攪到 11:00佢先上床, 而我就攪清潔攪到1:00先可以訓交......

12/28 返左外母屋企一陣, 晚上就返左亞媽屋企食飯, 亞囡8:00就勁喊樓眼訓, 最尾8:30打的返外母家.....成個聖誕節就咁完左!!

依家返多三日又放假, 我仲囉埋 1月2日連放佢4日~~

lkljason

12/24 早收一個鐘, 之後就返外母屋企湊亞女返歸!!!

12/25 整完牙食唔到野, 老友來左我屋企探女同祝聖誕!!

12/26 一早就同亞囡出去九龍灣飲茶, 之後係德福行街, 夜晚就一家三口係屋企休息!!

12/27 老婆朋友來我屋 ...
小瑟 發表於 2008-12-29 09:12

你就正啦，返多三日又放四day
我就慘啦！
黎緊禮拜六日都要返工啊！

小瑟

六同日都要返工, 有 EVENT攪呀???

lkljason

六同日都要返工, 有 EVENT攪呀???
小瑟 發表於 2008-12-29 10:21

係呀！又係一年一度既"換巨剪"！

小瑟

係呀！又係一年一度既"換巨剪"！
lkljason 發表於 2008-12-29 10:49

"換巨剪"又到拿, 咁就祝你公司多D生意, 下年你地公司就唔洗優啦!!!

lkljason

"換巨剪"又到拿, 咁就祝你公司多D生意, 下年你地公司就唔洗優啦!!!
小瑟 發表於 2008-12-29 11:22

承你貴言！
不過要加多句，多d生意，小d鑊氣！

skenstudio

日日都係到

阿定

24 返工，睇戲
25 睡覺，睇戲
26 睡覺，睇戲
27 返工，版聚打機，版友食飯
28 睡覺，睇電視
29 返工