買碟不快事...借個位o黎呻吓

ilavbnm · 發表於 2011-11-4 13:53

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 ilavbnm 於 2011-11-4 14:27 編輯

件事已經o係無奈下解決左...依家只想借個位呻吓...

件事都幾長篇...如果眾C兄怕浪費時間...可以無視此post...thx....

前日我o係屯門市精X買左隻特價DVD
返到屋企拆開，發現紙套背面比人打橫"界"左一條約兩寸長o既cutter痕...

咁我"尋"日就返去換啦，同佢地講~條痕應該係拆防盜果陣"界"到
個店員望一望就話，我地唔用果d防盜，所以唔會"界"到隻碟
跟住仲話，d碟係一批返o黎，有時d套係會有花o既，佢地都控制唔到(即係想話唔關佢地事)...

之後同我話隻碟無貨，叫我留電話，返左貨再call我去攞
開頭想話唔關佢地事，跟住又話無貨要我行多轉，攪左一輪，終於佢地話可以換過第二套戲
雖然最後可以比我換戲，但係都令我有種被耍o既感覺
所以我無留電話亦無換戲，仲要求攞佢地寫字樓電話
其實當時我都諗住唔換架喇，反正都係$39啫，而且隻碟本身無事，最多打個電話上去"炸"兩句形就算
點知~之後發生o既事，令我有理由相信，佢地真係存心耍我...

個店員o係張單後面寫左個電話比我，咁我就攞埋隻碟走啦
離開精X之後，我望吓個電話，佢竟然寫返佢地自己間舖個電話比我(仲唔係擺明耍我)...

我當然返去問佢啦，喱個時候有一個自稱係負責人o既人出現
佢同我話，你打去寫字樓都無用，因為寫字樓唔會理舖頭d野...

仲話寫字樓只係負責訂貨，舖頭o既野一概唔理(咁講都得)...

最後我要求退錢，佢地當然唔肯啦，終於我焗住換過第二套戲
可能有C兄會話，一套價錢睇兩套~底啦
但係去過精X都知，佢地d特價DVD一套$39三套$99，我寧願比$39買一套，就知d特價DVD我無戲啱啦
而且既然可以換戲，點解唔一開始就講呢
開始果陣可以直接咁講:套戲剛剛無貨，一係你遲d返o黎攞，一係你換過套戲，點解係都要同個客攪一大輪呢?...

如果一開始係咁，我相信結果會好唔同，即使特價碟唔啱，我應該會補錢換其他DVD/BD
成間舖咁多碟，真係要我買一隻碟，唔會真係搵唔到o既，係都要攪咁多野...為咩呢?...

雖然成個過程，佢地o既說話態度都無問題，但係內容就....

總之對我o黎講，喱間野一定無下次......

PS.最後我為左平伏心中不快...我過左隔離百記買左部SONY BDP-S380......