太多 PM 問及中價電源線 ... Cliff Audio !

Jadis

    收到大多PM問及有無一些中價電源線推介, 環顧市場中價電源線有一定質素的著實不多,  從筆者聽歌地方中, 使用中的都是
The One Power、PS Audio AC12、Magic Gem v2t、NBS Black Label等全部都是5位數字, 要我放下聽慣貴線的"聲音記憶"以平常心聆聽一些"較"為便宜的電源線不是一件易事。最近, 小弟從威馬兄介紹一代理, 借入一條喇叭試玩, 此線有近乎百搭的特性, 聲音集中, 圓熟通透的中頻厚度更似足我的 Zu Cable "mother", 聲音之理想與全頻之寬度, 是值得詳加測試與大家分享。
   



     此線以純銅製造, 外觀高貴大方, 但從製作和感覺得知, 此線不會是 Black Label 或 AC12的級數, 但其強壯的身驅, 手感不錯的重量, 在未聽前著實留有好感, 如果售價不出3千元, 聲音質素出色, 應會在港賣個滿堂紅。我把 "Cliff Audio"接到 California Audio Labs ALPHA 膽解碼處試聽, 當播唱 Chesky 的舊錄音《Light Classics V.II》, 我最早發現 Cliff Audio用在膽解碼上有著很好的音色平衡, 從開始的引子響起後, 我已被其強烈而凝重之氣氛鎖定, 傑出音場與良好的場面凝聚力, 雖然仍不及Gem v2t, 但那些密密麻麻大小不一的樂器卻分佈得一清二楚, 比起我的 Hobby 石墨、XLO Pro、NBS Dragon Fly更清徹, 樂器的分隅度非常出色, 而當中的音域是很廣的, 從沒有平價電源線的呆滯與沒有趣味性的平凡感, 潤澤細膩兼顧的特式, 相信沒有發燒友會不喜歡。
   



    另, 每個錄音與細節都變得動感具活力是我對Cliff Audio第二項欣賞之處, 可聞性頗高, 即使爆到天崩地裂時, 動感依舊不變。音色與音樂感, 感染力和美態是不及用在 The One Power, 但延伸力、亮度、高頻在 ALPHA時則細節出色, 我相信如果全套組合都是 Cliff Audio, 音色變化肯定更佳, 再說, 即是用上四條 Cliff Audio( Transport , DAC , Pre , Power amp ), 仍未夠買3份1條 The One ...



     
    威馬兄, 你電話不通, 或許又是上了內地做野, 當看到此 post 時, 請代轉述你的朋友, 叫他向我收錢。
Jadis~

chhanthony

請問係邊度嘅品牌?

benjamin

條綫造工好靚喎。

Wilmer威馬

我尋日病左睇醫生，食左藥一早就訓死左夠鐘彈起身食藥就見到呢篇野，先代表 Cliff Audio 唔該你。

老友，你又想 o黎多劑 naim の 專業人之恥！？睇你幾鬼多錯白字！？肯定又係一心幾用一邊趕 proposal 打稿啦！？咪濟啦，proposal 就話返公司有成班 o靚跟手幫你執靚，呢度出錯就醜死鬼，而且小心咪捱壞身子，下次忙完正事先，有責任心唔代表搵命搏。。。。

條線咪鬼又買啦！上次對 U8 喇叭線你又收，早幾日話要應網走要求格硬抬走埋我部 demo 5i-10 搞到我冇野試音又話會比錢，你都已經收到一屋都係野啦，件野再好再抵都唔係咁玩，我知你係想向代理/廠家用行動表示認同，但係搞到好似我做你生意咁，邊敢再比野你玩呀！？

係真心幫網友搵筍野、件野又真係令你心悅誠服咁比錢 o既，不如同小瑟傾傾開團購之類，咁先真係幫到網友又幫到件產品，剩係你試完肯買，個風吹左出去，只會助長 d 分銷企硬價，幫唔到網友又幫唔到件產品架！

d 藥 o黎料，再訓。。。。

chhanthony

請問深之都間Canworkshop有無得賣?

celtic

有無多D關於線蕊的info

hoyc

請問深之都間Canworkshop有無得賣?
chhanthony 發表於 2011-11-2 09:21

   

Wilmer威馬

請問深之都間Canworkshop有無得賣?
chhanthony 發表於 2011-11-2 09:21

吳豬有芧，呢款野主要出口，冇乜點派街。

Wilmer威馬

有無多D關於線蕊的info
celtic 發表於 2011-11-2 09:41

L、N 各自好多股 o既 6N 多股 OFC + 1 支 7N 單支 UPOCC 銀，每條大約 AWG10 左右。

G 係一條大約 AWG16 左右 o既 6N 多股 OFC。

鋁膜 + 屏蔽網。

鋁金属殼銠白金頭、尾。

Jadis

PM 中十人叫我開團購 ? 唔係我話事架, 我都唔係諗住推, 見有超值"筍"野post出來與大家分享而已, 問大王啦 !