分享我買平板的經驗

stm · 發表於 2011-11-2 00:15

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

話說最近需要用平板，經過幾個星期左諗右諗，最後買左IPAD2。
我主要係用黎上網用，所以7"我唔考慮。
最後目標係以下幾部。
IPAD2
Galaxy Tab 8.9 / 10.1
Sony Tablet S

System: Android未算好成熟，Apps唔多，2.x app 要去到 HoneyComb 3.2 support 先好d。相對 Apple 平板比較成熟， Apps 較多。我預算係想玩game，所以Apple先勝。

Size: GT8.9 最正，出街屋企用都好fit。相對其他幾部都比較重同大部。最重係iPad同Sony，差唔多600g!

Performance: Android 三部都用Tegra2，唔知點解出去試個時硬係有少少lag lag地，睇mytv又唔係好得。iPad 操作上比較順，呢點係毋庸置疑。

USB/插咭: 我自己對於可唔可以插SD其實無乜所謂，不過有好多人覺得無插咭係好難接受。其實無論GT / IPAD都有3rd party硬件令到部機讀到SD，我相信問題不大。

Compatiability: iPad最大問題就係睇唔到Flash，影響到好多網頁，FB game都玩唔到。對於呢個問題，對我又無乜影響，因為我唔玩FB game，不過因為我用緊數記有xpower，所以其實係無問題呀!

3G/Wifi: 我自己手機可以做wifi AP，所以只選wifi版，慳番$1000。因為大部份tablet都無電話功能，除非你部電話做唔到AP，否則無謂要出多張咭畀tablet用! 不過記得check清楚你個plan 包唔包tethering!

配件: 我諗iPad配件一定比其他幾部多，由其Sony係新出，機套保護貼都未有。

二手價: 我相信Apple二手價一定係堅過其他機，所以呢個亦係考慮之一。

綜合以上，我最後揀左iPad，目標係出iPad3之睇下新機同其他Android Tab有幾勁，再決定下一步。
好多人又話iPad3就出，四核Android tab就出，點解唔等下先? 我覺得買機之前只要做足功課，試清你要做的都做到，做唔到有無workaround? 可以等當然等，否則就應選最適合一部。早買早享受嘛。

最後都係拋棄Android，買左IPAD 16G Wifi 版，第二日買埋個套!

講開呢個套，之前都睇過一輪，本來想買Smart cover + 包膠，因為咁樣最輕。但睇過評語SC好似毀譽參半，所以都係買個套又有SC功能比較好。
出面款式多到呀，平就手工比較差，睇得上眼都要幾舊水，當中有好多淨係個套都好重手。最後睇中左ODOYO SlimCoat，貪佢夠輕。多數舖頭都係$299，不過今日行過九龍灣某日本公司，佢做緊九折平左$30，我諗都應該差唔多，所以就速速畀錢。

呢個套係好似信封咁，先放部ipad入去

咁住就摺番入去用魔術貼貼住

其他開窿住都幾fit

喇叭住有窿窿:

SC功能:

暫時玩左一日用電30%，已經成朝wifi上網，又打下機，install apps，真係好慳電。原裝機已經係iOS5.0，所以未能JB，我亦都唔會JB。其實iPad app都好平，應該尊重下知識產權。就算唔買，free app 都有排玩啦!