前排氣孔喇叭和後排氣孔喇叭有無分別架？

HOHOHO

前排氣孔喇叭和後排氣孔喇叭有無分別架？為何要有這樣設計上的分別呢？
如果放喇叭位置很貼牆, 距離牆祗有半尺, 是否選擇”前排氣孔”的喇叭 比”後排氣孔”的喇叭為佳？
請分享寶貴經驗

japangirl

前排氣孔喇叭和後排氣孔喇叭有無分別架？為何要有這樣設計上的分別呢？
如果放喇叭位置很貼牆,  ...
HOHOHO 發表於 2011-11-1 18:09

單後氣洞boom 機會好大，有d 雙後氣洞會好d,好像quad。前氣洞我以前用br2 都沒有boom都係一呎左右。否過有時要看實際環境。

mcleo

前氣孔雖然較近后牆時無咁易boom，但喇叭貼後牆始終影晌到音埸深度，不過香港住宅空間就.......

Jadis

通常前面板有出氣孔的低音反射喇叭, 低音餘波共鳴較長, 當低音單元轟出時, 箱內空氣減少, 氣孔就會吸入空氣填補, 當低音段播完, 低音單元後退回復不位, 又會把多餘的空氣排出( 如果是反相錄音, 次序就相反 ), 由於這兩個動作都是由同一前面板運動, 所以此類設計低音餘波會較長。在後放設置低音出氣孔, 通常低音較為清通明快, 突擊一吓的低音會更為厚重, 但這都是大慨的說法, 因不同設計的喇叭亦可調到不同的餘波時差, 例如迷宮式聲箱、號角喇叭竹等便是。
Jadis~

丁蟹

即係個喇叭氣孔係前面 or 後面雙氣孔 , 就無咁容易發生 BOOM 問題 ?

如果個喇叭後面係單氣孔 , 就比較容易出現 BOOM 問題 ?

THANKS

chitatw

通常前面板有出氣孔的低音反射喇叭, 低音餘波共鳴較長, 當低音單元轟出時, 箱內空氣減少, 氣孔就會吸入空氣 ...
Jadis 發表於 2011-11-2 04:03

多謝大師解釋 !! 簡短易明
本身以為前出氣孔唔係應該更為直接傢咩. 哈

HOHOHO

首先多謝Jadis大師百忙中亦能抽空向後輩指導

依大師所解釋"前面板有出氣孔的低音反射喇叭, 低音餘波共鳴會較長......在後放設置低音出氣孔, 通常低音較為清通明快, 突擊一吓的低音會更為厚重"
能否從這一特性推論後面板有出氣孔的喇叭較為"好聲".
而前面板有出氣孔的喇叭僅在於減少booming效果上取勝?

Wilmer威馬

其實應該咁講：
原設計後氣孔 o既箱，原廠係要靠房間環境反射先營造得返設計上想達到 o既低頻下限；原設計前氣孔 o既箱，原廠係無需依靠房間環境反射先，已經達到設計上想 o既理想低頻下限。

可惜 o既係，鬼佬個廁所隨時大過我地個廳，跟預設反射距離唔 o岩，所以變成香港地玩後氣孔 o既箱十居其九都 boom。

後氣孔 o既箱，一般比前氣孔易推，因為後氣孔通過房間反射出返正面時本來反相訊號變返同相訊號，等如兩個音壓重疊，SPL 高左，加上後氣孔 d 聲比單元直接聲行遠左先去到前面，波形正好夠距離成形，補償返直接聲因為距離而引起 o既低頻提早滾降，唔洗咁大 POWER 就推得出個低頻；前氣孔 o既箱，訊號係反相，存在 PHASE CANCELLATION 效果，好處係自動 CANCEL 在 d 失真同雜訊，壞處係 SPL 會低左，變成要更大 POWER 先推得出個低頻。

另外，由於後氣孔靠房間輔助加上低頻音壓高，比較適合近場聽；前氣孔 o既箱，因為完全依靠單元本身 o既直接音壓，要有一定距離比波形成形，比較適合遠場聽。

所以：
如果你玩量，就玩後氣孔 o既箱
如果你玩質，就玩前氣孔 o既箱
如果你屋大 AMP 細，就玩後氣孔 o既箱
如果你屋細 AMP 大，就玩前氣孔 o既箱
如果你坐近喇叭，就玩後氣孔 o既箱
如果你坐遠喇叭，就玩前氣孔 o既箱

當然亦有例外，好似近年興 CAS，多左所謂桌面音響，桌面音響考慮到實際使用環境會存在好多低頻共嗚，例如震起上 o黎你張台面已經等如一個低頻共嗚假低音，所以就會又近喇叭又 AMP 細都用前氣孔 o既設計，避免低頻太過混亂。

mcleo

唔怪得我由CM1上705後，換Amp都換唔切

Wilmer威馬

唔怪得我由CM1上705後，換Amp都換唔切
mcleo 發表於 2011-11-2 18:29

所以唔一定係話隻喇叭難推或房有 boom，係可能一開始揀錯對像。