本地各網絡供應商就取消無限計劃新聞的回應 (轉載)

wil-wil

轉載自 winandmac 中文版




星島日報報章頭條指各間網絡供應商疑取消無限計劃，原因是用戶濫用和情況惡化，網絡供應商無可能升級設備，故向電訊管理局提出要取消。智能手機的吸引之處，就是可以配搭無限計劃，隨時上網睇片或讓電腦上網。一旦沒有無限計劃會有什麼影響，大家或許可自行想到，不如大家齊齊投票，發表意見吧。

有傳網絡供應商即將取消無限數據計劃，你贊成取消抑或反對?

經報章報道後，網民都對網絡供應商考慮取消無限數據計劃有很激烈反應，不少都站在反對的立場。本網站找了本地四間主要的 3G 網絡供應商，包括 CSL、PCCW、數碼通和 3 香港，大部份都表示沒有意見，但沒有說明是否有計劃實行，小編估計仍有可能真正會取消。不過，數碼通在回應時頗為誠實，講到明長遠來說一定要推行，現在是想用戶意識到這個情況是有可能發生，目的是為了阻止用家濫用。

至於有網友串網絡供應商沒有花錢升級，三間台都不肯就此發表意見，只有 3 香港稱一直都有在地鐵做了不少工程，加快上網速度，另外他們於 2011 年成功競投 900 兆赫頻譜，提供更充裕的網絡頻寬。


各台的原文或訪問時的回應 ...

有些可能會被人認為「九唔搭八」，或許他們現在真的不想透露太多吧?
CSL   ：We have no comment at this stage.

PCCW：我們提供各項服務計劃，包括無限上網計劃在內。

數碼通：我們會密切留意市場情況再作決定，不會就報道發表意見。但是，長遠來說一定要實行，現在可以讓用戶意識到這個問題。再加上全世界不少地方都沒有無限計劃 (編按: 美國 Sprint、T-Mobile 和 metroPCS 都有無限計劃，新加坡 SingTel 上台時可查詢無限任用計劃，台灣就更不說，多個台都有不少「吃到飽」任用計劃。)，所以要讓用戶明白不能濫用網絡，要用者自付。

3 香港：智能手機及平板電腦備受巿場熱捧，客戶對流動數據服務的需求亦與日俱增。3 香港一直因應市場變化、客戶使用數據的模式及需要，定期檢討現行月費計劃是否符合巿場發展及客戶需求，提供切合所需及多元化的流動數據月費計劃予客戶選擇。

abgg

依家JOIN無限PLAN既應該做D野阻止D大用量既客而唔係一刀切取消囉.搵黎攪,就住就住用不如我番屋企上網好過

kalok6

如果無無限會考慮唔上網！又唔係必須既，最憎要就住用....
呢排d風都係佢地自己吹出黎
用佢d速度黎bt,玩少陣啦，每秒得果幾十kb.......
搵藉口都搵個好些少啦......

kalok6

其實越諗條氣越唔順暢，你班pk網絡供應商設計個無限數據plan黎吸引客戶，你話無限任用，而家你就聯手傾惦數，一致通過話唔玩，原因係有人濫用，我真係想問問何謂濫用....

obee

如果無無限會考慮唔上網！又唔係必須既，最憎要就住用....
呢排d風都係佢地自己吹出黎
用佢d速度黎bt,玩少 ...
kalok6 發表於 2011-11-1 08:39

好同意師兄所講，
如果就住就住，我只會 CHECK EMAIL 同 WHATSAPP 囉，即刻用番買平個 PLAN。

obee

其實越諗條氣越唔順暢，你班pk網絡供應商設計個無限數據plan黎吸引客戶，你話無限任用，而家你就聯手傾惦數 ...
kalok6 發表於 2011-11-2 23:31

    好似油公司咁囉，政府收貴一貴稅，賣左頻道租用權之後就做小政府，大市場。

qqsnk

絕對反對!!!
叫得無限plan點解唔可以比人任用??
我唔係用來BT嗰d人...但我同太太都係無限plan就係唔想就住用!!!
根本呢次就係電訊商唔想upgrade基建想賺到盡嘅藉口!!!{:4_60:}
係咪想d客户過咗limit就比佢狂收錢??
我唔會認為取消無限plan之後, 上網會比依家快咗!
試問點解到依家好多地方連電話(even 2G)都收唔到/唔清?? 唔通又係客户問題??
最神奇係電訊管理局竟然讚成........難怪比d 8,90後日日話你官商勾結!!!

Hon

我覺得佢地一開始set好左呢個玩法之後, 突然話改變實俾人嘈死.

jasonfussy

無限數據係電訊供應商提供呢種服務，客戶用量大就話濫用，即係自己打自己!!

kalok6

絕對反對!!!
叫得無限plan點解唔可以比人任用??
我唔係用來BT嗰d人...但我同太太都係無限plan就 ...
qqsnk 發表於 2011-11-3 12:51

以佢地既標準！你應該屬於濫打電話果類客戶