有無師兄可以介做語言障礙評估既中心比小弟呀?

smalltaste

話說小囡2歲10個月，但有某D音重未發到，佢學校老師打來同太太講小囡比同齡既小朋友差少少，因為有多個音發唔到(係應該要懂得發音而發唔到嗰隻!!!) 例如 S / D / H.....etc. 之後小弟同太太商議後決定交佢去做個評估，但上網查過有好多地方都有得做，價錢都係約800-1000左右，所以想問問有無師兄有好介紹呢?

待覆!!

謝謝各位有心人!!

Mint

政府都有得做架，有冇check 下？


- 發送自我的 iPhone 大板凳應用

smalltaste

政府都有得做架，有冇check 下？


- 發送自我的 iPhone 大板凳應用
Mint 發表於 2011-11-7 22:59

去咗健康院。但完全係廢既，浪費時間....因為當時個姑娘一見到我就同我講大約3歲啫，好正常，而且完全無叫我個囡出一句聲或字，只係得佢講。之後淨係做返慣常既嘢，例如:度高，磅重，之後又問識唔識去洗手間，用筷子之類既日常生活及衛生問題。之後就叫我個囡4歲再返嚟睇.....但我身邊有D小朋友真係有D字講唔出我都知，有點學得快有點學得慢，但就無我個囡講到有時連其他人都唔明咁囉。例如 S / H / F既發音都係唔得....所以好多字講唔到。

Mint

除了發迫, 咁佢可唔可以成個句子表達出來?  平時多唔多講野?
我有個外甥只係得2歲, 識講爸爸, 媽媽...等... 但個姑娘都講佢係說話遲緩, 要跟進。因為佢用字不多。

smalltaste

我個囡識講好多嘢，又鍾意講嘢，完整句子都無問題既，但唯獨唔識講嗰幾個音既中英文字....

j.w

回復 5# smalltaste


    有啲音未發到都係正常，唔使比太大壓力自己...

Anka

師兄，如找私人評估的話，可以試試香港言聽中心，小兒都在那裡評估及上堂
不要太大意認為是小事，如是學習遲緩而六歲前不跟進對小童將來影響好大
另外，相信學校老師的意見，因為她們見過不同類型兒童，是不是有問題她們可以分辨到的，正如小兒一樣，不需我說她們巳問我有沒有做評估
如師兄要電話及言語治療師名字的話，可pm給我

smalltaste

唔該晒你先，等我返去同太太講吓，若有需要再PM你啦!

Anka

不要客氣，回想當初我都好無助，有時間上教育王國的特殊教育看看吧！

smalltaste

好呀.............唔該晒