關於電視畫面 及 音響問題(買了人生第一部電視)

wadee0320

小弟新仔, 第1次買電視, 本身係諗住打PS3用, 但後來買左返黎變左睇戲多-.-.........
因為我乜都唔識, 本身又冇朋友玩開影音, 想學下野都唔知從咩途徑學好, 只係買左本高清影音調教書,週刊, 同埋不斷上post76學下野~~真係可以話係由零開始~~
各位之前仲有冇其他途徑學玩影音呢???

言歸正傳, 有幾個問題想問下各位師兄
近日終於買左部電視Sharp 40'lx830h放左o係房間, 跟埋佢果部3D blu ray player~~~非常開心, 之後買埋隻DVE調較畫面~~
但係問題就黎啦, 較極都較唔到好似出面鋪頭o的電視機咁靚咁清(TXB,ATX果類), 咁我本身係冇買o的高清外置機頂盒,係咪都有影響ga呢??只係內置IDTV.
另外見各位師兄買果o的AV receiver, 係咪可以以令睇戲畫面更加靚ga呢???

最後最重要果樣, 電視機本身佢個揚聲器睇戲真係好唔掂, 都有意慾遲o的買套喇叭在房間, 各位師兄覺得買套5.1 在房間睇戲係咪已經好足夠????
本身房間唔大, 我估大約70-80呎到, 我見e+ 有o的7.1,9.2 ,果o的我估整o係房間會誇張得滯=.=

以上可能有o的問題好愚蠢, 希望各位師兄唔好見怪~~
加上我打工仔剛出頭, 都係諗住慢慢賺錢逐樣買黎玩, 望各位能夠幫幫手解答,
同時希望終有一天能夠好似o的師兄咁, 分享到自己既靚靚影音出黎(望到o的相真係好正 )~~~同埋分享到自己既經驗俾大家~~
在此, 謝謝各位師兄解答先~~~~

里奧

電視台既訊源最多都係得1080i , 而且節目拍攝都唔一定係高清 . 可能得外購韓劇及黃金時段的節目先係高清版 , 而用dve較機碟只係幫助調教一個6500k色溫+標準對比的畫面 , 要高清(個人口味)就要自行修改設定 . 但要記得tv節目本身都唔係高清 , 你點攪都係咁上下 , 何況sharp一向強於面板 ,不是視頻晶片 ...... 買mtv機頂盒 "有可能"會靚過內置 , 不過值唔值就見仁見至 , 加av amp用佢既內置升頻晶片優化 , 唔係無幫助 ,不過未必係樓主想像中要果樣野 .  7-80呎 玩5.1已足夠 , 強加7.1/9.2只會亂 ... 未必有好音牆 , 如7.1 可能改回做用前高置會較好 .

沙煞比

平平地買住套5.1套裝blu ray 玩住先啦

散買一套5.1加blu ray 會效果好d 但價錢就會多d囉

師兄諗住幾錢筆直呢?

記得之前都有師兄問過入門5.1.....9爺都推介左d 5.1 喇叭套裝, 師兄可以去睇下
http://www.post76.com/discuss/vi ... ight=5.1&page=1