嚟到新世代, TrueHD同DTS HDMA暫時邊個做得好O的

MarkKwok

個人覺得由DVD 年代到宜家 BD 年代都係 DTS 好d!

SIXKKHO

我都係用DTS HDMA多。

007

以前DTS行先，年紀大了愛DD TRUE HD.

kmissp

TRUE HD

alanyoung2005

But Dolby just announce DOLBY TrueHD Advanced 96K

nicknick

好多時播隻碟選DTS好聲D定Dolby好聲D，係受混音及制作者影響多過個音效格式；

一般來說若兩條聲軌制作水平相若，對聽者來說邊條好就視乎內容是甚麼種類及聽者的喜好，攏統來說DTS的特性在於加強中頻及低頻勁度，所以睇到拳拳到肉打心口，好此道者會好興奮覺得好好，整體感覺強勁有力，但缺點是空間感收窄、高頻唔靚，偏重音效多過音樂，所以這相對的就是Dolby的優點：空間感強、三頻較平衡，若果喜歡音樂類別播演唱會現場感正過DTS好多，整體感覺較真實自然。
若果用CD來形容，DTS好似LPCD初聽時眨眼嬌人聲好有味道但越聽越唔對路，音場窄又味精，Dolby就像普通CD，好似冇乜特別賣點但耐聽又自然舒服。

來到高清的Dolby True-HD同DTS HD MA，兩者都已經lossless，其實聲音已經好接近，理論上若果lossless解番出來的PCM應該完全一樣添，不過現實當然係有些少分別，但係敢問有幾多師兄的av 系統由訊源到amp到喇叭的解析力能清楚分辨到兩種同樣lossless的規格出來的分別？我地玩兩聲道成日問FLAC好聲D定AIFF好聲D，大部人都會話分唔到，原因一樣。
如果聽到明顯有分別，有沒有想過可能是不同的av amp解Dolby True-HD與解DTS HD兩者的質素有分別？有沒有想過是混音制作公司制作、編碼的器材級數有分別，多於音效格式的問題？

玩兩聲道的普遍接受到不同lossless格式聲音出來質素幾乎一樣，難以分辨，但到了av呢邊為何會有咁不一致的意見呢？我相信原因是我們很容易找到一隻CD在同一環境同一系統下rip做兩種不同的音樂檔來比較，結果發現難以聽到有明顯分別，但我們極難找到由同一個來源同一部電腦(或一組編碼系統)制作出來的Dolby True-HD與DTS-HD來比較，我們只能「假設」買一隻blu-ray碟回來，若果有齊這兩種格式，那麼制作公司做的這兩條聲軌就是同一來源同一水準下做出來的了，可以「公平」地比較了，現實似乎不是這樣，所以那些變數就造成了av 這邊咁多差異、不同的意見。

ericcch

可能我鐘意睇動作片, 所以偏向鐘意DTS HDMA。而且我部入門BDP解TURE-HD有時會窒......

myblue

睇戲都係DTS HD MA, 音樂會係PCM或者True HD