廣告!? 可能係音響史上最高性價比解碼: 世紀格雷 5i-10

Wilmer威馬

典解標題「廣告!?」?因為我賣緊。

典解咁夠膽開 post？因為我覺得件野好。

你賣緊案話好架！你可以咁諗，事實係我真金白銀買，廠又有計傾，乾脆賣埋，大家可以唔信。

深圳世紀格雷，前身係廣西泠瑞，一直默默為好幾家中國有出口 o既名牌背後做 OEM/ODM，可以講得上係中國音響業中其中一家有實力 o既幕後精英。

近年鬼佬荷包縮水，出口大幅減少，骨牌效應下影響唔少冷瑞呢 d 業內精英，其中唔少什至轉行，由專做高端發燒音響變左家電都有，只為求生存。

泠瑞係少數有勇氣、有自信、有實力同真正用心發燒 o既廠家，最低限度，衰哂廠家有一套 CHORD 做 reference、亦有全套新版 AP 測試系統，除此之外，泠瑞唔單止堅持做 HI-END HI-FI，仲逆流而上，擴大規模，響深圳設立分公司，成立今日 o既世紀格雷。

我認識世紀格雷係 09 年咁上下，當時仲係泠瑞未成立世紀格雷，主腦人鄧總正因為代工單減少，有意自立品牌，當時鄧總已經決定向發燒級電腦影音方向發展，要向發燒級電腦影音方向發展，基礎係要先開發一份解碼，只要有一份可以驚世 o既解碼，以後開發其他項目，要轉盤加機蕊、要播放器加硬盤，就簡單得多，所以鄧總第一都 project 就係解碼！

但由於住日代工方式無需關注市場動態，即使鄧總有高強開發力，以往響產品方向呢個題目都係由品牌商指引，所以鄧總選擇左一個非常聰明 o既做法：先用 DIY 套件方式發佈基本設計，再以完善 o既售後技術支援眾玩家發揮想象力摩改，綜合各种民間摩改方案，借此決定出市場、或准用家真正想要的最終方案，就這樣整整歷時兩年。。。。。連鬼佬國際級品牌都未必肯用兩年，世紀格雷帶住全廠唯一成熟批量生產 o既產品面世。

其實 5i-10 響內地已經面世左好几個月，坊間亦已有唔少用家報告同官方測評，什至經我手都賣左兩、三批，典解依家先題呢？一來一件產品，開賣前無論如何准備充足，都係正式投放市場先至係考驗 o既開始；二來 Post76 呢度夠開明，同一個 post 響其他台肯定唔刪都調去其他欄目，所以就搵 Post76 試下“開刀”！

5i-10 呢幾個月，綜合坊間用家報告同官方測評，正面 o既係：
1) 制作用心、工藝好，大廠水平
2) 音樂味好、襟聽
3) 性價比高於賣價人民幣￥2300
負面 o既係：
1) 唔夠 HI-FI，唔過癮
2) 性價比再高都係建基響人民幣￥2300

其實從第一日我未做代理，買左 5i-10 自用開始，響內地各大論壇我已經好強調兩點：
1) 5i-10 風格似 LINN，係比人“嘆”音樂
2) 點玩 5i-10 都好，如果係望住個賣價 o黎玩，係玩家 o既損失

就第一點，相信唔洗解釋，玩得 LINN 呢種風格，唔係話唔爆得，但係等如玩 3/5a 要同 JBL 鬥爆、或者楂 Audi 要同波子鬥起步，係咪廢話！？

第二點，好多人走唔甩價錢呢個心理關口，始终用人民幣￥2300 作為搭配標准，例如有內地網友曾咨詢我：「我在用美麗安 MCX-7000，見 5i-10 評價都是性價比高，效果超越價格，想進一台玩玩，但不知建議配什么數字線好？畢竟價格只是 2.3K，有沒有 200 塊左右的數字線介紹？」。。。。。我真係 O 左咀唔識答，玩得咁理性，件機就算有一千倍性價比，都玩唔到潛質之餘，可能連 2.3K 人仔 o既效果都出唔到！

講左咁多廢話，都係想比個機會大家認識 5i-10，如果安排一部比版主，唔知版主有冇時間聽下！？

plnl88

典解標題（廣告）？因為我賣緊。

典解咁夠膽開 post？因為我覺得件野好。

你賣緊案話好架！你可以咁諗， ...
Wilmer威馬 發表於 2011-10-24 12:49

大師，比啲相睇睇個外型靚唔靚仔。

ivanyiu

回復 2# plnl88


   

呢度有資料.

manKi

待續...

plnl88

回復  plnl88
ivanyiu 發表於 2011-10-24 13:03

多謝，狐狸先生！

HOHOHO

any sample for testing?

avlam

回復  plnl88
ivanyiu 發表於 2011-10-24 13:03

呢部幾銀呢?

Calvinip

support!!
It seems price level is important for such new product.

Wilmer威馬

呢部幾銀呢?
avlam 發表於 2011-10-24 13:23

因為新品牌，廠家想一野起朵，蝕住賣，人仔 2.3K，香港賣港幣 3K（人仔 2.3K + 運費 + 找數比廠手續費）。

其實賣呢個價響 marketing 來講係失敗：識聽識嘆，有可能會將 5i-10 當 LINN 咁玩 o既人，根本從來唔會關注呢個價位 o既產品；會關注呢個價位產品 o既，你話似 LINN 冇人信；肯試下果 d，又夾到不倫不類，根本玩唔出效果。。。。。

ivanyiu

回復 5# plnl88

唔駛客氣.我都係 google...