當九把刀遇上異種2011...........J J 小評(含內容)

lkljason · 發表於 2011-10-23 22:35

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

呢兩日睇左我呢期想睇既兩套電影，講左"異種2011"先，唔該我都係想叫翻佢做"怪形 2011"有d親切感，話晒呢套係1982年"怪形"既前傳，你格硬改人地個名，發行既公司究竟你問過人地"阿媽"未架？XDDDDDD

廢話講完講返套戲，如果你要我呢d老鬼有歸屬感，首先你唔好改名，加上我呢d睇喪C片睇到麻晒木既人黎講，血腥核突程度對我黎講只係小學雞，嚇人畫面都係一幕起兩幕止，故事鋪排又同1982版本大同小異，想估o下邊個比怪形入體，但又好似無乜點講個個都可以係，所以估黎都o徒鬼氣，氣氛又比舊版遜色，所以驚喜完全欠奉，d角色唯一叫做有個識得既就係女主角，其他~~~sorry！真係唔賴。總結: 早場35蚊都還勉強，正價既話就真係等出碟借黎睇o下好勒！

那些年，我們一起追的女孩.jpg

西方代表講完就講o下台灣既代表"那些年，我們一起追的女孩"，又係一套影評超讚既電影，睇戲名加上預告片都估到套戲大約講乜，簡單直接d講就係讀書時候談戀愛既故仔，當然拍得真實細膩至可以感動人啦！導演九把刀相信都係足到觀眾呢個心理，因為正常黎講每個人都經歷過學生年代，所以唔多唔小睇完套戲點都會有dd共鳴，拿~~~齋共鳴無用個喎！最緊要都係拍得好睇夠娛樂性，雖則套戲係九生既真人真事小說改篇，但我覺得誇張既成份都唔小，所以睇既學生哥咪當真，o係課室打手槍相信唔止坐靚靚女高材生前面咁簡單呀！XDDDDD

睇完後可能之前既影評過好，所以反而比我預計中感覺差d，拿~~~差d唔代表唔好睇呀！我自己略嫌套戲不文野多左d ，男女主角o係相處部份可以加多小小，因為我覺得套戲個故仔應該可以比到更多既感動比我，而電影既歌曲配樂亦應記一功，仲有女主角講果句"曖昧既時候係最美麗, 如果可以長一d就可以享受多一d."，超有水準啊。總結：學生時代既回憶真係有錢都買唔翻，難得有齣電影可以鉤起大家久違既絲絲記憶，抵到爛啦！

題外話：女主角就係之前做"聽說"家姐既角色，真係點睇都唔似廿八歲，學d台灣國語話齋~~~~超屌！超厲害啊！