關於平板抉擇，大家畀少少意見好嗎?

stm · 發表於 2011-10-22 00:25

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

一路想買tablet，但係都揀唔到，想問下大家意見。
首先自己希望部tablet可以拎到出街用，亦都可以響屋企用，即係唔可以太大部太重，但都唔可以太細失去tablet意義。而且想部tab可以取代nb做簡單工作，例如email, 簡單文書處理，唔使同屋企人爭機用。

最初諗住買GT10.1，唔好講佢無usb / sd呢d我都算啦，都接受到。但玩玩下覺得佢好似太太部，屋企用就好，但拎出街好似怪怪地，人地又睇到你做乜。
咁跟住就諗GT8.9，呢個係我認為最好的呎寸，因為出街屋企用都好fit。

正當決定之際，諗住上forum度睇睇commet，就發現部機粒U係好唔掂。
今日出去試玩，UI lag lag地，睇mytv lag, full screen 有個三角形閃下閃下，死未!
雖然我唔睇mytv, 1080p movie，其實對我無影響，但你要諗你買得部機就希望佢會帶畀你另一種experience，唔會淨係原地踏步。平板好處就係可以隨處走，咁我可以訓響床睇movie 或電視劇都得。但無論sony, asus, motorola全部都係用同一粒U，即係唔使諗啦。

跟住又見到部huawei mediapad，又唔係用T2，又幾好咁喎，走去試機最後都係唔o岩。最主要問題係7" 但仍然1280x800。用得tablet自然唔會睇手機網頁，但睇desktop網頁又會細左少少，最終又係要拉大縮細失去用平板意義。而且7"響屋企用又會細過頭。

最後就諗ipad2，其實除左size比gt8.9太少少，解像又低少少之外，要用iTunes都算啦，我都接受到。呢部真係暫時最o岩我。
但頭先見到post transformer prime年尾出，咁我諗陸續應該會有用T3 機出。而且現在大部份機重用緊HC3.1未上到HC3.2，又已經announce ICS。
我諗Android tab出年仍然勁多新機出，我好期望到時有部用T3 GT8.9咁就perfect。亦因為咁，如果依家入Android tab，好快又會fade out，二手價更加唔使諗!

基於以上種種，我打算先買ipad2用半年左右，等T3 tab出多幾部可以選擇，先再trade左部ipad。
話晒apple二手價點都硬過android機掛?

唔知大家點諗呢?