團購唔到，唯有....... (Viablue X60)

Sun811

x60走分析路線, 4030係以厚聲人聲為主, 2樣取向唔同喎, 好難比較!!  
即係有啲人鍾意飲威士忌, ...
ykluk 發表於 2011-10-20 09:50

認同luk師兄講法，所以鍾意分析力高o既師兄就唔好走寶啦，E條線分析力奇高 。

ykluk

認同luk師兄講法，所以鍾意分析力高o既師兄就唔好走寶啦，E條線分析力奇高 。 ...
Sun811 發表於 2011-10-20 09:55

因為小弟經常patpat痕周圍問人借線聽, 發覺其實唔同線既特性真係好唔同, 未必條條都一定可以正面比較, 加上每個人口味唔同, 架生唔同, 用法唔同, 所以真係要諗清楚聽清楚先好選擇!!
小弟鍾意走分析路線, 所以呢條應該都啱用, 等返貨就可以試吓喇...

kungfutown5

KING

KING Sir，如果再有團購，我會買多條x40試吓，或遲D再去秋記造。
Sun811 發表於 2011-10-20 09:42

    18/F 而家做緊特價低D喎!

blindfaith3by8

好似好硬咁

blindfaith3by8

嘩！仲諗住用呢隻黎做頭，都係用返MS算了，留番d錢黎買屎
rickyfab 發表於 2011-10-19 23:03

    同你一樣.........早幾日見有ching放%))......

blindfaith3by8

我都換o左屎，但分別不太大，可能條線己幫你部機升o左好多哩，己升無可升了。 ...
Sun811 發表於 2011-10-19 23:09

    我用係十仔..換吾換屎好呢????

Sun811

我用係十仔..換吾換屎好呢????
blindfaith3by8 發表於 2011-10-20 11:01

其實E條線可以唔洗換屎已經好正。

Sun811

同D師兄都吹o左咁耐，唔多唔少大家都了解多o左E條線o既特性，現在等小弟出一個小小報告。初頭問秋記做E條線o既價錢時，真是想打退堂鼓，不是這條線貴，而是我選o既頭尾插貴，鬼叫自己用英頭無乜選擇，但最終都敵不過毒發攻心，死就死啦，買佢番來睇吓你o係龍定o係蛇，本來想放落十仔用，但最後都o係放o左落amp用，E條線好粗好硬，如果器材後面無乜空間o既師兄要小心啦，終於插好，開機！首先試林峯Let’s get wet演唱會，當然試濕身最多bass果段，一開聲，即刻要收細個volume，D bass多到湧埋身，但也不失細節，有彈跳力，我心想，有無咁”恒”呀？再聽真D，原來D聲離晒箱，可能真是太恒，覺得人聲有D緊和乾，但聽落又好有分析力，所以人聲會聽得更多細節而導致人聲無咁圓潤，再試功夫熊貓，當然試大炮逃獄果段，無論鎖鏈聲，放箭o既方向定位，都好立體程現在聆聽空間，還有一段地下拉o野聲，唔記得拉乜o野，以前聽唔到，但E加聽得好清楚，最後總結這條線，分析力及低頻是佢強項，聲音立體感強，推力十足，所以個人覺得配Yamaha amp會幾好，但配Denon amp要收細volume至好開機；另外也講一講自己o既用後感，首先是有買貴無買錯，整體器材升”le”，初頭感覺部機好似唔o係自己部5008，變了5009，這是我唯一一條用後感受到最大改變o既電源線，到現在也捨不得換落十仔用。

Sun811

回復 69# Sun811


因為換o左電源線關係，昨晚便開隻Super Hivicast試機碟試吓效果，我最鐘意用foot step果段來試，因可以試到環繞聲連唔連貫 ，當我試緊E段o既時候，我老世突然o係房叫出來同我講，老公我好驚呀 ，可唔可以唔睇哩一段，其實我都知老世不喜歡我看恐怖片，佢會好驚o既 ，但我不是看恐怖片喎，佢驚咩呢？所以我問佢驚咩 ？佢話聽到好似有個女人o係個廳道氹氹圈行，好唔習慣，好似間屋無喇喇多o左個人一樣，好恐怖啊 ！我再問佢，我以前都有播過哩段好多次o架喎，有咩唔同？(其實我特登咁問) ，佢話E加真實好多喎 。