鐵甲鋼拳...... J J 小評 (含內容)

lkljason

外界口碑普遍讚好，由原本對呢齣戲一d興趣都無到而家到o係戲院睇埋添，呢個落差真係大，所以電影既野真係千其咪比個戲名或者卡士影響到，如果唔係會睇小好多好既電影。

講真故事真係勁老土，d機械人造型又唔靚仔，點解都仲會覺得成兩粒鐘既戲唔覺悶呢！呢個就係呢套戲厲害之處。一個失意既拳手，遇返一個從無一齊生活過既兒子，唔好講話做一個稱職既爸爸，就算點樣同呢個仔相處呢個爸爸都曉點Handle，故事就係由呢對父子開始序章。

講明勁老土既故仔梗係不外乎，男主角失意潦倒、跟住好似有d起色、點知再失敗多鑊、然後黎個絕境大翻生，拿~~~~呢d咪叫熱血囉！套戲最搶戲當然係做男主角個兒子既死靚仔，演譯生鬼得黎又唔過火，果種希望爸爸為自己做d野果種渴求眼神，真係完全比到戲我，而男主角終於可以擺脫狼人既角色，做一個初頭為左錢連個仔都有個價兼過份自負既PK爸爸，仲有套戲由個仔o係垃圾堆搵翻黎既Atom機械人將佢人性化，呢d原素加埋就成為一套唔錯既電影。

電腦特技既機械人你地唔使擔心，一d都唔似CG畫面，始終史提芬史匹堡既出品係有保證既！線結：唔講咁多，如果要做一個標準，呢套戲好睇過變型金剛3 N倍，以一套爆米花既電影有親情、特技、笑料於一身絕對值回票價，比較近期既係又3D唔係3D既所謂荷里活大片，呢套真係值得入戲院捧場。

queenman

近排少入戲院睇戲, 呢套係最近令我有d衝動想買飛....

timehill

真係幾好睇

ykluk

最初都只係諗住捧hugh jackman場, 點知好睇到咁, 仲要最後同atom一齊打嗰段有啲眼濕濕添!! 搵返自己既感覺真係好感動!!

lkljason

輪拳賽贏信心呢得鋪排真係幾正！

lkljason

個細路原來係做靚仔時既雷神！唔怪之得好似熟口熟面啦！
前途無可限量

edlsang

係咪一套激勵電影 ？ ！

ykluk

係咪一套激勵電影 ？ ！
edlsang 發表於 2011-10-17 12:44

都可以咁講, 熱血既, 不過cg好真好靚, 睇特技都啱, 男人睇就知道"搵返自己"係幾重要!!

teddyng637

幾好睇...........

jt24

我都好想入場睇o架！不過老細對呢類戲冇乜興趣，都係等BD算囉！