哈哈, 弓起哂你呀 J.W兄, 睇樣應該係女仔來呀?? RIGHT???:D
我個女都岩岩3個月, 所以依家仲好記得佢岩岩返來既野, 同你分享下,
樓計樓天光應該係唔習慣, 你咁樣包住佢就岩哂架勒, BB岩岩出黎冇安全感,
喊係好正常呀, 如果成日都喊就可以學 LOPO兄話齋, 睇下係咪肚餓啦,
BB一喊都係睇幾樣野, 肚餓, 換片, 眼訓, 熱, 涷, 冇安全感,
而冇安全感呢個問題我聽人講都係得二個方法, 一就係奶咀, 二就係抱,
如果你包實左佢, 又岩岩食完奶, 換好哂片都仲係咁喊, 就真係唯有試奶咀或者抱下,
我亞媽就話一開始就要選好一樣野比佢, 我地都唔想個女食慣奶咀, 所以選左抱,
不過依家就 PK了, 亞囡抱慣左, 依家要抱住先訓得著...........Smilies025
依家比奶咀佢仲唔食, 吐返出黎......
仲有一樣野係睇書學既, 就係習慣, 最好比個BB知道做完D咩之後就一定係訓交架勒.
好似我咁, 我地日頭就咩都做唔到既, 因為亞女一有光既時間就點都要抱先肯訓,
但日頭一收佢就 8:00-10:00呢段時間, 比埋最後一次奶佢, 就會同佢換衫仔, 抹面仔,
包好佢, 之後打橫抱佢訓, 當佢一訓著就放低, 一訓就訓到 4:00先再郁身郁細, 咁就換片開奶,
食完唔洗再抱架勒, 掃物風就可以放低返佢, 因為佢已經又訓著了.:lol
到 6:30左右就自動醒, 一日既工作又要重新開始呢!!!!
頭三個月湊BB真係好辛苦, 希望 J.W兄同你太太比多小小耐性同愛心, 有咩事就問下人,
上來問我地都可以架. 好開心可以同你分享到湊女經呢!!!!Smilies005 |
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2008-12-8 18:58
樓主
發表於 2008-12-9 08:48
