月入$20000都叫貧窮

PP-HK

月入兩萬話窮, 表面上真係唔成立。不過, 其實呢類夾心階層先至慘, 除左要交稅之外, 一切社會福利差唔多免問。通脤壓力大, 樓價升幅令他們買唔起樓, 公屋又冇佢地份。相反, 收入再低者, 可以住公屋, 租金慳左一筆, 住得遠有交通津貼, 仔女讀書免學費, 又可以去免費旅行、迪士尼, 仲可以申請關愛基金, 有錢攞之餘又免書薄費、饍食費。我識得有人攞綜緩, 仔女讀書差唔多完全唔駛錢, 攞返黎既綜緩夠佢地日日去嘆茶。

月入兩萬除左冇福利外, 仲要養埋呢班蛀米大蟲, 都咪話唔慘架。兩萬蚊扣除稅同租金、生活費, 剩低既隨時低於一個綜緩戶可以儲既錢。

bh72bh72

我覺得要睇年紀, 20幾歲人,單身人士,有2萬收入都ok la....
如果40, 50歲人,成頭家養,仲2萬就真係吾ok

RiceR9

回復 27# ilavbnm


    ......
自己銀行戶口無一百幾十....萬現金咪叫窮囉!!

都係努力工作....教好d仔女,
唔係香港真係完架啦

spadeace

月入少過1萬, 個個月可以月光, 鐘意做乜都得, 無錢伸手出黎, 大大聲話我要錢, 乜福利都有
老在又要人養
月入1-2萬, 乜福利都無, 捱貴租屋, 樣樣食自己, 退休唔知點算, 睇唔到遠景
所以, 窮係窮在絕望, 無人理, 比上不足, 比下亦不足嗰下死

RiceR9

回復 31# PP-HK


    我文筆唔好...我就係想講ching講既野!!

不過算啦....做好自己就算....世界唔會有 1=1 既公平

googleli

老老實實如果月入二萬今時今日要在香港供層樓都真係算窮...
以我月入都未買樓...

RiceR9

回復 34# spadeace


    有樣野好奇怪....mpf
佢地話要提高供款下限到$6500, 等低收入人士多少少錢用....
加高$1500....ok, 無問題, 最低工資下都好少咁低人工!!
咁點解上限要加$5000...去到$25000! ??  即係連同公司要供多$500!!
雖然我話1-2萬係窮姐(亂吹) , 但真係搵兩萬幾班人唔會儲錢!!
要你mpf幫佢地儲嗎??  定係想積金局可以抽多d水...分多d佣??
供多兩舊幾水唔係多.....但有無須要呢??   
依方面我覺得好奇怪!  大家點睇呢??

edd0325

呢道D Ching 套套架生都甘勁, 我可以肯定哩個網係冇窮人囉

PP-HK

窮係窮在絕望 ...
spadeace 發表於 2011-10-7 14:13

    我覺得你呢句形容得幾好...

PP-HK

回復  kalok6


當然什麼政策都會有漏洞....都明白好難去停止.... ...
RiceR9 發表於 2011-10-7 14:08

唉! 老實講而家既政府好扺閙, 以前攞福利要入息審查, 每年檢討。而家唔知係政府唔夠人手定俾人閙得多, 申請資助隨便左好多, 而且好多case係申請左一次後, 唔駛再審查, 每年都照發俾你。聽都聽唔少, 有d特登去離婚博攞多d, 但成家人都仲係住埋一齊。唔單止係咁, 但班懶人慣左攞福利, 往往係社會上最惡、最唔講道理果班人。