作死不離三兄弟 3 Idiots......J J小評 (含內容)

lkljason

真係改壞名，睇完套戲就更加覺得無講錯，中文戲名直譯"三個白痴"可能會更好。如果唔係影評咁正面，相信打死都唔會考慮睇呢套戲。

套戲故事其實真係無乜特別，但厲害在就係佢套戲既剪接交代故仔功力真係一流，回憶同現實交替恰到好處，故事玩悲情亦輕輕帶過，但又可以令你有d感動，為在交代點解呢三兄弟感情可以咁深厚，所以需要兩個幾鐘既片長，但我就一次都無睇過隻錶，可想而知套戲有幾咁好睇。略嫌歌舞部份可以減省一d，不過而家都絕對無損套戲既流暢度。因為之前唔知套戲係講印度話，一開始心諗死啦成套戲都係咁 "嘰lee咕lu" 咪大獲，但睇落去又好似唔覺乜野大問題。男主角表情豐富，表現一流 (一d都唔似印度人，仲有d似湯漢斯添)，不過最大功勞都係編故仔果個人，可以帶比觀眾有追看既感覺，真係要比十個趣。

o係一遍3D電影既熱潮底下，忽然有套講勵志、親情兄弟情既電影，簡直令我覺得有一道清泉既感覺。套戲仲帶出到印度面對緊既社會問題，亦帶出到一d值得令人反思既地方，雖然都係d老生當談既野，不過o係而家呢個生活迫人既環境底下，又好似出奇地夾。一套咁好既電影唔睇真係損失，未睇既朋友好襯未落畫快d睇啦！

Pooh

呢套有驚喜。我覺得好睇過一百萬零一夜。如果評分，一百萬零一夜值80分，呢套我俾88分。

lkljason

呢套有驚喜。我覺得好睇過一百萬零一夜。如果評分，一百萬零一夜值80分，呢套我俾88分。 ...
Pooh 發表於 2011-10-6 14:42

同意！

carlos

呢套真係正~我都睇左2次~

mtvbb

呢套我反而覺得係故仔精彩
道盡當下世人錯晒既價值觀
而從朋友得知編劇寫呢個故仔時
係係香港打工, 坐係某大茶餐廳寫
而部份感覺好似譏諷我地既教育咁 - 高分低能! 無思考! 死背! 及功利去到一個好嚴重既地步!
呢套野, 如果比我係師生, 我會列入 ETV 及叫D 學生去嘗試理解一下

carlos

呢套我反而覺得係故仔精彩
道盡當下世人錯晒既價值觀
而從朋友得知編劇寫呢個故仔時
係係香港打工, 坐係某 ...
mtvbb 發表於 2011-10-6 15:26

真係估唔到~唔怪得我睇個時D 內容特別 有FEEL   同埋人個編劇一定有睇過港產黑白片~~HAHA~

lkljason

黑白果part真係精彩

丁蟹

呢套好似唔見有戲院上映 ?

係UA搵唔到

lkljason

百老匯院線仲見有上，其他院線好似真係唔多覺眼

sorchuchu

呢套唔知德發有冇賣呢？