個囡真難攪

andrew225

小小意見, 平日對佢時間長的要嚴厲小小, 假日先有時間湊的(即是師兄本人)就可以鬆小小

edlsang

回復 11# andrew225


    多謝 CHING 意見 !

andrew225

長老你太客氣了, 大家交流一下者

odin1983

話說今日放假在家，個 3 歲女一日哭三輪 .............
最慘硬頸不受勸、哭時侯語無論次 ,罵又不 ...
edlsang 發表於 2011-10-3 17:48

師兄見到小女兒不受教，一定頭都大，不過人的發展非常複雜，但憑師兄幾行文字，比較難比意見，如果師兄覺得好頭大，有時間可以同師兄傾下。

管教原則︰小弟建議師兄用「需要」的角度去看小朋友，盡量唔好用「問題」既角度去睇，因為佢地細，唔太識用說話文字去表達，喊同扭已經係最好的表達方法，當師兄覺得好煩時，其實佢地已經向師兄發出d訊號。師兄仔細小小去留意可能有新發現都未定。

發展分析︰佢地3歲呢個年紀，我地叫「前運思期」，係小朋友透過想像去理解同埋學習表達事物，所以罵同教係聽唔入去，因為佢分析的能力低，所以講道理罵無效係好平常既事。

建議︰小朋友唔會無情情喊，一定有原因，解決方法一定係搵出原因，對症下藥，呢個世紀既小朋友喊大致上都係有野扭，或者安全感唔夠，師兄可以諗下今日有d咩會刺激到佢，或者會唔會有d野令到佢唔舒服?或者去探索下。小朋友好多野係講習慣同「適應」，所以係唔可以期望佢地聽完即刻明或者做到，一個樣野可能需要幾個月或者一年時間去學，一定係「行兩步，退後一步」。但適應左就會變左佒自己既習慣，甚至內化左變左自己既「價值觀」。大個就自然識事非黑白架啦。

有時教小朋友要放下父母的思考角度同埋身段，試諗下小女兒已經用左自己認為最好的表達方法--「喊」(佢3歲ja)，如果罵得太勁，嚇親佢，佢更加唔識表達，可能會影響日後發展，或者好多野唔願意同父母講，管教係要有無限心機+無限精力，但伴隨呢d痛苦都有好多快樂！師兄！唔好咁快洩氣！加油呀！小小分享，唔係金科玉律，希望幫到師兄。

edlsang

回復 14# odin1983


    thx !

odin1983

回復  odin1983


    thx !
edlsang 發表於 2011-10-9 20:38

其實師兄願意為囡囡去煩，已經非常偉大，唔好太客氣，有需要不妨搵小弟，小弟既工作成日都要面對小朋友的，面對小朋友，呵呵，心血少d都會死！

edlsang

回復 16# odin1983


    版主兄做邊方面工作 ? !

odin1983

回復  odin1983


    版主兄做邊方面工作 ? !
edlsang 發表於 2011-10-9 20:48

小弟係社工！呵呵！

edlsang

回復 18# odin1983


    哈 ！多謝 Ching 。 吓次有渠道了 ！

odin1983

回復 19# edlsang

如果仲係扭得好勁，有時可以陪下佢做，通常耐心少少都可以的，另外值得分享既係，讚賞同埋表揚小朋友的好行為，威力比懲罰更有效。
如果見到囡囡有d野做得好，不妨比d即時獎勵，買玩具果d唔駛架啦，買張大貼紙同畫簿，做得好既比張佢貼，寫後寫低囡囡有d咩做得好，得閒拎出黎同囡囡回味下，順便讚下佢又提下佢，例如︰
「囡囡，記唔記得，呢張貼紙，係你做xxx，果時做得好，爸爸獎你架，繼續努力呀！」

易入腦好多架，好過猛大口喉叫佢唔好呢樣唔好果樣。鬧得太多，好易無左自信，將來搵學校可能驚餐死，唔敢答人(依家d學校收學生要求極高，考智力，更考心理質素，好多時都要小朋友沒家長陪同下做d野，所以安全感真係幾重要的)

當然用到6-8歲大少少又要變下方法，唔係小朋友會變得「市儈」。呵呵！身教勝於言教，好多野持之以恆就可以。