DIY KEF XQ40 Jumper (同場加影 Linn Skeet 試後感)

ivanyiu

話說入左 Naim Nait XS2 之後入埋 Naim 既喇叭線, 其實剪多左D散線做 jumper. 但係就冇好好整理. 因為 KEF XQ 都幾麻煩. 佢用唔到叉. 要用針插.

就係咁, 今日出左SSP 行下. 諗住搵幾粒 cheap cheap 地針插整理下佢. 行高明...佢地冇賣針插, 好在係佢左近搵到幾粒非常平插頂住先.



講真小弟勞作真係唔好. 只係搵左D熱縮膠包番好條線做入左針插(仲要唔駛焊). 係 DIY 區呃個post真係見笑.




包好一條


完成.


落左 LINN Skeet 既 XQ40


試後感. 其實都幾明顯, 好多人話用 Linn Skeet 會 cut 頻, 應該係指某一D音頻會聽唔番. 但係小弟木耳呢, 我覺得 Linn Skeet 好岩我. 因為小弟一向都想溫柔豐富既音樂感先行. 未換釘墊之前, 係我換左 Naim 喇叭線之後, 低音既收放控制係好, 不過我就覺得有點兒太強, 打心口既感覺而欠了一點韻味.

今日換左 Linn 之後, 係我想要既野. 低音濕潤豐富, 線條係冇之前咁清晰但餘韻十足. 咁 cut 左高音既問題呢...

講真, 我唔多覺. 而且發現結象比以前清楚, 樂器定位亦有所改善.

我同線陸多數都係搵呢隻黎做 reference 試音既.


LaCampanella 既高音伸廷完全唔覺有問題.
Blue Bossa 既低音亦比之前醉人, 唔會另我聽得兩聽想轉歌.

小弟愚見, 我諗 Linn 既定位係音樂感先行, 有時候好多野都係模糊先醉人既.
而家套野音樂感足夠細節亦清晰 .... 終於都算滿意喇

P.S.: 以上只係小第木耳, 加上有限空間個人感想, 有錯請見諒!

popo388

....

amuroman

好