始終都係要入番對喇叭線.

ivanyiu · 發表於 2011-9-14 00:37

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 ivanyiu 於 2011-9-14 17:18 編輯

買左 Naim 兩個星期, 心情一直都唔好. 因為隻 Naim 仲衰過用 AV-AMP 聽歌. 我講真.

原因其實都幾簡單. 買Naim XS2 既時候我冇買埋佢既喇叭線. 我想試下其他線咩聲先. 之前用既係一對2出4既單支銅線. 為既係補番中低頻既表現. 其實一直同 LX81都幾夾既. 不過同Naim就真係唔夾, 聲粗, 結象含糊, 低音過盛 ... 聽得好我辛苦. 咁一定要攪攪佢架啦.

Naim 喇叭線

用左一對普普通既 AQ 蕉插.

買線既時間. 剪多左幾條散線黎做 Jumper.

完成

即時拎番隻之前係咁打心口既『重繹』黎聽一聽先 ................. 真係唔到你唔服. 成件事都唔同哂. 舒服哂. 低高音都收放自如而結實. Good!

再聽聽隻 Audiophile 2011 試音王, 入面第二首 BANG BANG. 音樂感返哂黎喇. 低頻足而且結實.

唔好俾佢停, 拎番隻哥哥既 SALUTE 再聽下. 因為之係搵 AV-AMP 聽. 我以為係因為母帶既問題, 個錄音都幾差, 一D哥哥既味道都冇. 但係而家再聽. 哥哥既口形, 情感同態度都出番哂黎. 其實隻碟一D都唔係差.

小小既結論: 我相信其實 Naim 唔必定要夾番Naim既野. 必定有其他器材係夾到既. 但係用佢既野呢. 就穩陣D. 始終係夾野既時候要投入唔少資源. 買番Naim既線材配件就少左一輪功夫喇. 遲D有機會既我都可能會再搵對銀料既喇叭線試下.

報告完畢, 小弟木耳愚昧個人意見, 不喜勿打頭. 多謝收看.