Juno x Stephy 《保衛戰隊之出動喇！朋友！》

dts6.1

黃精甫作品。麥浚龍、鄧麗欣、夏文汐、林家棟及王羽 合演。

首輪劇照 ~

edlsang

回復 1# dts6.1


    Ching 有無多 D 劇照睇 ！

dts6.1

回復 2# edlsang

More....

dts6.1

(720p全新高清港版預告...)11月10日公映

[YoutubeHD]gI6Mowl6XHE?hd=1[/YoutubeHD]

(電影製作花絮...)
https://www.facebook.com/video/v ... 478434996&saved

andyckh

.......

teddyng637

王晶今次抄得好足..........

safishhy

係咪抄怪人二十面相？張poster好似

lukalok

屋村仔、黑社會、英雄主義、卡通片、正義、邪惡、武鬥.....共冶一爐，其實我覺得拍得唔錯。成齣片喺好七十後嘅情懷，有好熟悉嘅熱血感覺，但係又有一種好揪離嘅親切感。係好怪，但又睇得好投入，我覺得係同《打擂台》好有兄弟feel作品。黃精甫冇咗之先前《阿嫂》、《江湖》嘅眼高手低，但扮嘢依然，不過今次睇得舒服，層次非常豐富，細節亦有獨特觸覺。

同期有劉鎮偉嘅《東成西就2011》，比起上嚟《東》實在超級難睇，睇咗半個鐘要熄機！《保衛戰隊之出動喇！朋友！》係2011最畀人走漏眼嘅港產cult片。

lukalok

lukalok

《保衛戰隊之出動喇 ! 朋友 ! 》(Let’s Go) - 充滿冒險精神的超現實電影

當《保衛戰隊之出動喇 ! 朋友 ! 》(Let’s Go)播出日本經典動畫《宇宙大帝》的主題曲前奏時，我跟同伴已嚥下口水，準備唱出 : 「神奇大帝穿左個窿，娶左三位妾侍。有個放屁、有個痘皮、有個老到就黎死.....」。我跟同伴愈唱愈大聲，心想必定惹來同場其他觀眾的側目，假如有其他觀眾的話。我和同伴之所以能如此放肆在戲院高歌，全因為院內只有我和他兩個人，我們沒有花費包場，而是當時真的只有我們兩位觀眾。以一百二十元包了人家的場，那一刻我是感到不好意思的。

無疑《保》片票房是慘淡的，但這不代表電影不好看，相反，我覺得這片是黃精甫導演執導以來各方面都較為平均，而且沒有刻意玩弄技術或過份執意個人風格的電影。當然，黃導演還是希望電影能與別不同，所以加入了《宇宙大帝》這元素來表達每個人都希望有超人來保護自己的想法。

假如這是一部日本電影，觀眾的受落程度反而較大，但以一部港產片來說，這片的題材就極為罕見了。(我想到唯一與這片較為類同的是台灣電影《關公大戰外星人》)。可預期如此大膽兼超現實的港產片不會得到很多人的青睞，這亦是票房失利的主因。難得的是這片的台前幕後，特別是投資者竟能樂意欣賞，實在是精神可嘉。

其實撇開超現實部份，本片故事流暢，演員表現投入，主題關乎正義與成長，當中滲透着屋村情懷，以及導演對八十年代日本卡通片《宇宙大帝》的情意結，意念極佳。

以商業角度來看，這是冒險之作，因為香港觀眾向來較少接受偏鋒的題材，況且能從《宇宙大帝》勾起回憶者亦較為局限。但是作為一名電影愛好者，我樂見香港電影業仍有人願意作出如此特別的嘗試，至少這片讓我留下了深刻的印象，而不會如許多電影一樣，未步出戲院，已把劇情忘得一乾二淨。