cut電線外皮(有圖)

te2370

你講真定假先？ 要咩線咩頭尾？
係就要等等，等我搞掂埋手頭上嗰3-4條先... ...
ykluk 發表於 2011-8-31 08:06

講笑，不過都多謝先！

KING

King sir你唔好下下推我上神枱啦~~
ykluk 發表於 2011-8-31 08:29

    大家都有眼睇!我講緊事實!

te2370

我啲二流cheap精只用界刀, 通常我都屈緊條線先, 然後輕輕手一刀一刀界落去, 由於屈起壓力關係, 外皮界落去 ...
doublez 發表於 2011-8-31 09:57

呢個方法幾好喎，不過2.6果D應該唔得喇

sunboy

我啲二流cheap精只用界刀, 通常我都屈緊條線先, 然後輕輕手一刀一刀界落去, 由於屈起壓力關係, 外皮界落去慢慢會爆開, 直到見到線芯. 你屈得越緊, 就越易爆. 圍一圈做, 然後抆走個外皮. 好處時唔駛太大力及你見到到位未, 唔好處係個切口唔齊, 但套咗熱縮就睇唔到
doublez 發表於 2011-8-31 09:57

我都係用師兄類似的方法,但會輕輕用界刀先圍着線身外皮界一圈先以便確定位置,然後用一隻手拗曲線身,另一隻手用界刀沿切痕逐少逐少切下,由於線身被拗曲,當界刀切下去時外皮便會即時分開,你便可以看見到了何時到位,界刀最好越利越好,但千萬不要用拖刀,小弟是用"印吓印吓"的手法去切的,當接近線蕊或線綱時,便會用力拗一拗線身,外皮便會自然爆開而露出下面的線蕊或網線,如果外皮不會爆開,便再切少許再拗,如此類推,此方法既安全又美觀,但缺點是很花時間,開一個外線皮分分鐘花你十多分鐘時間,手又攰..........但好處是不會界傷線皮下面的東西,效果很好,不嫌麻煩或有耐性的師兄不妨一試..........

ykluk

我都係用師兄類似的方法,但會輕輕用界刀先圍着線身外皮界一圈先以便確定位置,然後用一隻手拗曲線身,另一 ...
sunboy 發表於 2011-8-31 11:29

你呢個方法同你個人既性格好近, 做事小心細緻唔怕煩!!

ykluk

呢個方法幾好喎，不過2.6果D應該唔得喇
te2370 發表於 2011-8-31 11:25

唔使2.6, 係單支銅都幾難屈到去用到個g鉗到...
sunboy兄個方法喺單支銅上都可行, 不過會好攰...

個人感覺好似king sir同4pk兄嗰種用剪鉗向線表直開方法係最快, 不過條線會無咁靚仔, 當然包咗熱縮膠會無所謂啦!!

sunboy

你呢個方法同你個人既性格好近, 做事小心細緻唔怕煩!!
ykluk 發表於 2011-8-31 12:11

首先多謝陸兄加分 小弟是個淹尖聲悶嘅人,有時都幾吹毛求疵 ........心諗既然玩得DIY,就會用盡一切方法(唔計用錢..... )去做到最好為止,務求同廠線排埋一齊唔會比人覺得係DIY至得,任何製作上的瑕疵同錯誤都不容許,除非冇得救,否則一定從新做過,唔係嘅話,之後心裏就會硬係好似有條刺咁 .........成日拮吓拮吓..........

ykluk

首先多謝陸兄加分 小弟是個淹尖聲悶嘅人,有時都幾吹毛求疵 ........心諗既然玩得DIY, ...
sunboy 發表於 2011-8-31 12:30

絕對睇得出sunboy兄你係一個咁既人, 要做到你咁真係要好多心機, 自愧不如!!

sunboy

唔使2.6, 係單支銅都幾難屈到去用到個g鉗到...
sunboy兄個方法喺單支銅上都可行, 不過會好攰. ...
ykluk 發表於 2011-8-31 12:15

King Sir他們開線皮的方法是大多數電器師傅常用的 ,但要做到快而準係好考工夫和經驗的,稍一不慎便會剪傷線蕊或線綱,自問沒有這種功力 ........小弟有的是時間,最緊要唔好傷倒線蕊或線綱,所以用這個又慢又手攰嘅方法..........

sunboy

絕對睇得出sunboy兄你係一個咁既人, 要做到你咁真係要好多心機, 自愧不如!!  ...
ykluk 發表於 2011-8-31 12:38

陸兄咪笑細佬啦,師兄你咁肯抵得諗幫人整線,一定明白DIY過程當中嘅樂趣同之後嘅成功感和滿足感 .........如果唔做到自己都滿意 ,不如買成品好了

況且每個人的標準都未必相同,可能小弟的最高標準在陸兄眼中也不外如是呢...........