我入名門!!!!!!!! Naim Nait XS-2

ivanyiu · 發表於 2011-8-30 22:06

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 ivanyiu 於 2011-8-30 22:10 編輯

個故事係源於上一次聚會, 我聽左一句『用 AV amp 聽歌唔得架喎!』，一直放不下心，梗梗於懷，亦點起左我心入面團火。

我愛音樂，亦愛唱歌，由第一套 Sony 5.1 套裝機，知道咩係 DTS，一set拆哂聲但係有5.1效果既喇叭，傻下傻下都用左佢幾年。

之後新居入伙，理想咁攪左套有前有後既 5.1 俾我同女王睇電影，因為香港有質數既戲院俞黎俞少，而我亦極度討厭睇戲時有人大聲食野同電話響。咁又聽左幾年。

一向都知道 stereo amp 同 AV amp 既分別，一直都想搵隻合心水既 int. amp. 一早亦睇中聽中左 Naim. 但係都拖左成年，本來係想聽到套 AV amp 真係頂唔順先再升級，因為呢一團火，終於出血救火。

多左呢個箱...

開箱

簡簡單單得個 remote 同 PC:

見見真身先.

影返張前前後後寫真:

點燈時, 已經係凌晨一點喇.

即刻搵返隻好野聽一聽 ..... 單係 Hotel California 既結他solo, 感染力同 AV amp 係唔同既兩個世界。

可能岩岩開機，仍待煲練，低音收放未係十分自如仲有少少鬆，我冇用哂 Naim 野, 因為真係想試試非單一 Naim 會係咩一回事先。而家由一對銀 RCA 負責傳輸，不過不失，希望煲一輪會有改善。好多軟件都未試...已經深夜，Alan Tam 既雨絲情愁送左我去搵周公！

毒海浮沉，仲有粒屎未換，相片質數粗糙，請見諒(因為唔認識相機亦唔會photoshop執相，再玩多樣我諗要瞓劏房!)

多謝收睇!