如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 ykluk 於 2011-8-30 16:19 編輯
小弟肛門痕癢難止, 繼上一次測試後, 又呃到唔少分之下, 所以再次嚟測試二.
今次小弟感激edlsang兄借線一用, 又係以小弟低賤既器材同阿媽送比小弟既木耳a/b測試一番, 希望借此機會比小弟試下唔同既線材.
首先講吓測試既低賤器材:
OPPO 93 (測試pc用喺呢度) -> Viablue NF-75 同軸 -> TOPPING D2 -> Oyadie PA-02 RCA -> adam a3x (Northwire 18A double run PC)
拖板 - Oyaide MTS-6 (Viablue X-25 MK頭 + Infinity Power 2 鍍銠fuse)
測試cd - 《ONKYO發燒純音》01 La Campanella 鐘, 《陳潔儀7N Pure Gold AMCD》01 心痛, 10 等了又等, 《劉美君Love Addict》03 你把我灌醉
而今次主角係:
1. Viablue X-25 (Wattage 5266i + Wattage 320i), 線本身約!)* - !@)/呎
2. ACROLINK 7N-4030II (Labkable製, 頭尾唔知係乜, 估計係瑞士尾頭4781 + Wattage 5266i), 全條線約@*))
首先聽既係《陳潔儀7N Pure Gold AMCD》(題外話, 呢隻碟好過隻k2hd多多聲, 哈哈!!) 4030II出嚟既聲音明顯比X25厚同暖, 呢個當然同佢用上真正 7N (99.99999) 高純度D.U.C.C 純銅既原因有關, 音樂感強, 力水較充足, 中低頻既聲音有力而實淨, 中頻聲圓潤, 陳潔儀一句:"愛著您"真係幾甜!!!  相對嚟講, 講分析同快聲既X25聽出嚟人聲樂器分離度較高, 人聲比4030II較前, 樂器定位都較為清楚!
跟住聽《ONKYO發燒純音》第一首"鐘" (呢首嘢已經成為我試嘢必聽音樂!!), 同樣地4030II中頻力度較強而令到小提琴聲音較為悅耳, 但始終"鐘"呢首音樂包含較多樂器同具備三頻聲音, 所以個人覺得聲音分離度較高既X25會好聽啲.
最後嚟隻《劉美君Love Addict》既你把我灌醉, 呢首歌完全聽出4030II既利害, 7N高純度純銅加高整個音樂感, 聽到個身不期然會郁, 劉公子把聲好lum好醉人, 樂器圓滑流暢度高. 唯一較x25遜色既係人聲距離, x25聽出劉公子係企喺band前唱歌, 而4030II就會係band中間較後少少位置, 而x25出嚟既樂器聲來得較快較清脆, 呢個應該係鍍銀線既特性!! 
個人聽後感, 聽唔同既音樂應該配用唔同既線(如果唔使考慮金錢!!  ), 如果聽jazz或者pop music, 4030II配上adam a3x係一個唔錯選擇, adam分析高, 配上4030II可以加強佢中低頻而增加暖聲效果, 令其音樂感加強(所以小弟用pa-02做rca). 但若然係聽大棚音樂而需要加強樂器分離度同立體感, x25快而超班分析就好正, 當然未試過用打雙, 唔知打雙會唔會補到佢條線唔夠力水問題(唔夠力水感覺可能係因為佢真係快, 好彩高音唔標). 
最後多謝各位觀看!!  不喜勿打頭, 小弟絕對唔係打手, 只係一個鍾意diy既新手, 想試吓用不同線材能夠得到咩效果. 如果講錯歡迎指正!! 
P.S. 再次多謝edlsang兄借線一用, 最衰我無前級可以試吓條4030II如果放前級會點呢... |
[複製鏈接]
發表於 2011-8-30 01:18
!我又剛剛整左條X-25 畀部93用，但我想請教你，X-25要煲幾耐呢？
樓主
