黃家強的另一面

pochacco161

認識家強多年，有一件事令我到今天想起都非常之開心及感動，2007年7月的一個盛夏，家強於九展開咗一個小型演唱會，好多都知我一定會出席，但同又有好多人叫我唔好去，原因係我個仔仔會係2007年10月出世，但我知道萬一我錯過咗就最少一年不會再有機會見家強啦！最後我老公唯有喺多方壓力下陪我出席。

我的入場券係企位，所以一早就到九展等待入場，時開一分一秒的過去，心真係好急，希望可以快快比我見到家強就好啦！突然我眼前有個很熟識的面孔出現，原來不知何時家強發現到我，一個箭步，家強來到我的身旁，我仲以為家強來問個好，點知比家強罵，不過我知道家強的苦心，等我同大家分享一吓當時的對話內容啦！

家強：嘩！你咁大個肚仲嚟呀！好辛苦呀！不如你返屋企
我：唔得，錯過今日的機會我就唔知幾時先可以再見到你啦！
家強：點解呀！？
我：我今日唔睇，我仔仔十月出世，到你十一月開生日會我就正正坐月時間，咁你話我要幾時先見到你呀！我唔走呀
家強：你唔好行開，比我去完厠所返嚟話你知，我唔想你企咁長時間
我：好呀！
（我真係由個心笑出嚟，家強真係好似一個朋友咁同我交談，開心到爆）
家強：我只係有一張坐位，你唔好再比我見到你企係到呀！開場之前你好去搵地方坐坐啦！知嗎？
我：知道
（有人同我講家強好似好唔開心，但我知道家強係關心我才會咁）

終於到咗開場時間，開心的時間總會過得很快，就係臨近完場的時候，家強開始講一些多謝的說話，當中不少得多謝歌迷啦！點知家強講咗一段令我難以相信的說話，又等大家同我一齊回味呀！

家強：......今晚有一個好特別的歌迷嚟到捧場，佢已經有咗７個月啦！我叫佢唔好嚟，佢話怕之後好難有機會見到，所以今晚一定要嚟，我好多謝佢，唔知佢而家坐喺邊呢？（大燈不停找我，我唯有企起身啦！）多謝你！

由完場到車站的路程中，不少人喺我身旁講：呢！嗰個就係家強口中大住個肚嚟睇 Show Fans 囉！

其實我又開心、又興奮

到咗今天都係好似係昨日發生一樣，所以每次有人話家強有幾唔好、幾唔好，我都會話，係你唔知家強另一面，其實家強對歌迷真係好好呀！

teddyng637

認識家強多年，有一件事令我到今天想起都非常之開心及感動，2007年7月的一個盛夏，家強於九展開咗一個小型 ...
pochacco161 發表於 2011-8-29 00:33

好感動呀!

245141525

認識家強多年，有一件事令我到今天想起都非常之開心及感動，2007年7月的一個盛夏，家強於九展開咗一個小型 ...
pochacco161 發表於 29-8-2011 00:33

期待妳更多分享~

小瑟

好小可我會睇哂咁多字, 呢個真係要讚好同評分先得!!!

容我問一句, 以上係師妹你自己既野定係轉載其他網站的呢???
因為好小版友好似你咁, 咁有心將呢D咁經典既事係度分享呢, 如果個大肚媽媽係你本人, 我真係覺得我地76好光榮呢~~

yongzhilu

好羡慕你.

jt24

好感動啊！

pochacco161

好小可我會睇哂咁多字, 呢個真係要讚好同評分先得!!!

容我問一句, 以上係師妹你自己既野定係轉載 ...
小瑟 發表於 2011-8-29 08:48

當然係我本人啦，絶對沒有半點大話成份呀

小瑟

當然係我本人啦，絶對沒有半點大話成份呀
pochacco161 發表於 2011-8-29 12:25

哎呀......唔好誤會呀, 我唔係話你講大話呀, 只係我冇估到我地呢度真係可以遇到BEYOND既忠心FANS, 我以為除左祺哥, 已經好小人好似佢咁忠心架勒~~~

所以我都加你分同高亮你呢個POST, 太正勒~~~你係得既~~~

你就好啦, 可以同家強好似朋友咁傾到計, 上次亞PAUL出碟, 我地其實都好想搵佢地做個小小訪問, 不過都唔知點樣入手呢~~~!

pochacco161

哎呀......唔好誤會呀, 我唔係話你講大話呀, 只係我冇估到我地呢度真係可以遇到BEYOND既忠心FANS, 我以為 ...
小瑟 發表於 2011-8-29 14:48

其實仲有 Part 2 呀，不果我怕比人話我，我都今時今日都不敢動筆呀

小瑟

其實仲有 Part 2 呀，不果我怕比人話我，我都今時今日都不敢動筆呀
pochacco161 發表於 2011-8-29 14:59

我地有得 BEYOND呢個分類, 就係想大家可以為此而分享, 放心, 我地呢度個個都係講道理講尊重的, 唔會有無謂人講無謂野的!!