各位師兄最鍾意去邊間2手CD店?

alibabar

DVD年代,信和地庫同十樓最多幫襯,依家反而少了,D嘢好貴........
sunboy 發表於 2011-8-25 23:01

    同意，而家真係係又抄，吾係又抄，目標顧客似係強國大豪客多於港燦。
今日上哂佬二三樓，原來啲人又攞啲鳥山明特集，玉郎漫畫，阪面特集出黎抄，鳥山明成千銀一本。
總之本小，總有幾件中強國人心。吾講一線歌手的1A1, 1M TO , 連二三線歌手都抄到飛起。

我哋呢啲就吾上檔嘞(亦冇本事上檔)。

pacifico

回復 9# ikioh


    188間間都唔係人咁品，已經幾年冇去。

sunboy

同意，而家真係係又抄，吾係又抄，目標顧客似係強國大豪客多於港燦。
今日上哂佬二三樓，原來啲人又 ...
alibabar 發表於 2011-8-25 23:42

佢有佢炒舊碟,我有我買新碟,依家起碼賺左聽,第日萬一冇飯開,眼矇耳聾的時候就賣返俾D二手佬套現買飯盒囉........可能仲有賺

ikioh

佢有佢炒舊碟,我有我買新碟,依家起碼賺左聽,第日萬一冇飯開,眼矇耳聾的時候就賣返俾D二手佬套現買飯盒囉 ...
sunboy 發表於 2011-8-25 23:52

    咁又係

ripslyme05

信和10樓 : 即係特區, 眾多二手鋪中佢最平, 咁係因為佢收咩碟都係以好低價回收(不過唔係咩碟都收, 小弟試過俾佢D伙計請食檸檬...) 好多ching都覺得近幾年少左好野執, 其實日日咁多人去, 真係手快有手慢無

灣仔188 : 我剩係會去英文字母名個間幫襯 (其他個幾間感覺似黑店, 睇價錢己知 ), 二手鋪黎講佢CD quality最好, 大部份都新淨靚仔, 同埋包裝得幾好, 感覺唔似垃圾堆搵寶咁, 最值得一提係, 佢個價錢唔係好跟market, 點解咁講, 試過搵到幾隻CD, 當特區都賣過百o既時候, 佢居然可以幾十蚊咁賣, 仲要新淨齊料, 我知yahoo有賣家直情o係佢度入貨, 然後再放上網炒

仲有一單關於信和地庫 (以前舊鋪在先達一樓), 聽日再講

pacifico

回復 15# ripslyme05


    ching聽日早D講

ripslyme05

回復  ripslyme05


    ching聽日早D講
pacifico 發表於 2011-8-26 00:49

繼續

信和地庫 : 以前舊鋪在先達一樓, 近呢幾個月搬左去老信。以前舊鋪唔知係未冷氣有問題, 次次入親去都好大陣咸魚味... 都唔知賣碟定係賣咸魚。咸魚鋪D碟價都幾嚇人, 尤其係個日版, 唔知咩版炒價碟, 點解賣咁貴?

話說早個月前, 小弟在日本yahoo拍賣場睇中一套王菲的日版CD, 有10隻, 見個價錢都ok, 就搵代bid幫手落價。點知拍賣臨完有個買家搶價, 出到成2萬日元, 小弟唯有放棄啦...心諗: 點會有日本人仲咁鐘情王菲?  後來有日經過咸魚鋪, 發現佢門口擺左10隻王菲的日版CD, 咁熟面口?!  哦, 原來係個個買家就係呢間鋪老板。當日在拍賣場落標價係2萬日元, 連埋郵費, 除返每隻大約200港紙左右。依家咸魚鋪每隻賣都差唔多成HKD400,  甚至600一隻, 仲貴過在本地yahoo買。可能好似樓上ching所講, 呢間鋪都應該係向大陸富豪客埋手。

sunboy

繼續

信和地庫 : 以前舊鋪在先達一樓, 近呢幾個月搬左去老信。以前舊鋪唔知係未冷氣有問題, 次次入親去 ...
ripslyme05 發表於 2011-8-26 13:57

師兄係唔係話地庫角位以前專賣日版碟果間,舖面隔離仲有個大show window架

ripslyme05

回復 18# sunboy

無錯呀Ching, 就係角落位個間
以前賣日文見本CD, 個陣會成日入去睇碟, 但都係得個睇字, 好少幫襯

sunboy

回復  sunboy

無錯呀Ching, 就係角落位個間
以前賣日文見本CD, 個陣會成日入去睇碟, 但都係得個睇字, 好 ...
ripslyme05 發表於 2011-8-26 14:08

小弟唔多識買日本碟,祗幫襯過一次亦係最後一次 .........就係佢執笠前的大平賣