電帶來的改變

Sun811 · 發表於 2011-8-24 11:28

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 Sun811 於 2011-8-24 11:34 編輯

小弟自從買過一個2K幾的拖板後，便開始對電與影音的關係產生興趣，當初也不大相信電會帶來這般大的影響，意思是將原有器材不改動下全套升呢，其實電就好像人的血管一樣，要有靚電，就好像有一個好的身體，好身體會排走體內污物，而血管暢通便能令人成個醒神晒，所以近來小弟又有小小攪作，都是多得這裡的師兄好介紹。

第一樣攪的是插蘇頭，插蘇頭有乜好攪，請看下圖：

你睇吓隻腳幾污糟，好幫佢洗吓白白先

終於洗晒咁多隻腳啦！

只要有恒心，銅柱都磨成金呀！！！

過程好簡單，先用擦銅水擦吓佢，如無意外好快便會變金，如果效果唔滿意，可再用Contact Cleaner擦一次，去除表面污漬，再次用擦銅水擦吓佢，原來銅都可以咁靚，再插回電源試機，原來聲都可以變靚，聽得出尾音會長o左，但畫面就好像沒有改變，但也證明了電要有好接觸才會有靚聲。

Sun811 · 發表於 2011-8-24 11:29

本帖最後由 Sun811 於 2011-8-24 11:49 編輯

第二樣攪作就是攪屎，之前我有開過Post講過這條屎
http://www.post76.com/discuss/vi ... 1392&highlight=
但今次我要講的是另一條屎：

不過今次是一條差不多貴一部價錢的屎，佢就是鈀金屎啦！點解會買鈀金屎，唔買平一半的鍍銠屎，因為我會插佢落我部電源處理器到，能令整套系統得益，無所謂啦！去片！

這是電源處理器底部的fuse位

好簡單就拎o左出來

比較吓邊條屎靚D先，影得唔好，但就咁睇又分唔出邊條靚D

不如大家用眼睛判斷啦，事先聲明，相機影出來的效果，是不及真實畫面的效果，去片！

Sun811 · 發表於 2011-8-24 11:31

本帖最後由 Sun811 於 2011-8-24 11:47 編輯

這些圖是由高清播放器節錄出來的，最明顯是顏色實了及鮮艷了，立體感加強了，講完了畫當然要講吓聲，聲就無得試聽啦，講吓個人感受啦，好多人話Klipsch喇叭易推，而我用5008推佢更加無問題，但原來易推唔代表會推出好聲來，我現在才發現我全套喇叭原來還有這樣進步的空間，印象最難忘是睇一個燒著的地方，火的達達聲好全神，好似真o係有堆火在你面前燒一樣，其實可以咁講，整個現場氣氛都提升了，果然是好屎，也說明了一個道理，Fuse就是影音的天敵，佢唔暢通，等如血管唔暢通，你話會點？

其實唔單只條屎的問題，更主要關鍵是我早前換了電源處理器，這是我之前的Post
http://www.post76.com/discuss/vi ... 0507&highlight=
換了電源處理器就等如身體好o左，排毒容易o左，原來我們家用的電是有污染的電，經過電源處理器淨化後，好聲好畫又再番晒來；另外，有去過影音展的師兄，有無留意到好多展館都有加個電源處理器落套系統到，就是為了改善電的質素。

小弟只不過是影音初哥，只是想分享電給我帶來的樂趣，全屬個人感受，也祝願大家的影音系統早日打通任督二脈，享受一個屬於自己的影音世界。