《義勇群英之毒蛇反擊戰》G.I. Joe 2: Retaliation

ryan2012

唉...............剛睇完
第一集幾乎所有人都無得留底..........Snake Eyes唔洗講, 唔睇crews list都唔會知有冇換人, 得Duke 出一出..........
不如換過team名算啦...........

不過最大問題都係d武器, GI JOE係班有最先進武器的team, 上集d武器不知幾有趣........今集得敵人架分體式電單車 & 一開頭識追蹤的槍較新奇
之後全都係普通野.........

lkljason

無第一集咁好睇，唔可以話爛，但真係麻麻地！

dragonyam

果然來到第二集，破唔到第一集個勢，可惜...

Kｉ

頭先睇左，個人覺得好垃圾
前言不對後語，過場交代下都好啦
劇情又唔掂，哂錢！

唔係朋友想睇，一定唔去睇

bo9bo99

爛 !!!!劇情唔掂預左, 連動作戲都甘鬼悶. 最好睇既trailer睇曬....

動作戲及唔上第一集, 某人變節更加係敗筆.

早知睇湯唯好過!!!

scott0208

剛剛睇完，劇情鬆散，3D效果普通，動作場面有一兩場ok，其餘既普通，有多餘時間的話可以一看，否則.....   !

imac531

好明顯為趕快完成套片,攪爆炸好過攪電腦設計
個劇情最唔收貨,雞到爆,最尾果道最搵笨,是旦開幾鎗就射死晒D壞人
個裝甲車周圍走有佢射人就,人射佢就無事,有無攪錯

Raphael

我都睇咗，覺得根本就只係一套掛住 GI Joe 牌頭既爛片
故事骨架無乜問題，相信係前人留俾第二集既
但劇情就渣到暈，成個 GI Joe 軍團去晒沙漠俾人地一鑊打死晒？原本咁大個組織，唔通全部人出動去搶一個核彈頭？
就算係咁部署，點解行動時卻只有幾個人？其他人去晒邊？留喺沙漠瞓梗覺？
好明顯製作大縮水，得幾條演員卻想扮成個軍團，結果拙劣地用一場唔清唔楚既空襲劇情嚟夾硬交代成個軍團死剩幾件

角色打扮及裝備完全普通野嚟，根本就唔係原本應有既超高科技軍團，反而似普通一支陸軍小隊
OK.....就算劇情要講佢地俾人連根拔起，乜野裝備都無晒，但主角帶喺身上嗰啲野都無理由咁普通掛？好明顯又係製作成本縮水,慳返特技製作既成本及時間

雷影扮蛇眼刺殺咗巴基斯坦總統然後刻意被捕，卻去到監獄先至被除去面罩及忍者裝？莫非監獄喺巴基斯坦總統府隔籬？現捉人現監禁？連驗明正身既步驟都慳返？

日本忍者既長老，居然係黑鬼？咁不如索性搵件阿差扮埋北韓領導人吖，笨！
條黑鬼求其老作幾句，就令雷影弒師事情真相大白？咁不如話其實當年係蛇眼＂線＂雷影一鑊，呢個不倫不類既講法反而比佢仲容易令人信服！
撒旦本來無乜特別能力，卻突然話佢精於易容而且仲識鑄劍？而且幾十年前已經佈定個局招攬仲係細路既雷影？條o靚仔根本未滿師, 做咁多野嚟招攬佢, 貪佢乜野好呀? 貪佢條毛咩? 就算貪佢條毛, 佢都無毛俾你啦!

總而言之，呢套爛片根本就係用 GI Joe 牌頭嚟呃錢，劇情幼稚又粗枝大葉，想用縮水製作成本嚟扮大作呃觀眾！
就算免費入場都嫌嘥時間！
枉大把人等咗幾年，望佢第二集點咁精彩...... 呢套野既編劇簡直不知所謂！

scarface

有同感！剛睇完，劇本差！3D特技一般！

bo9bo99

Raphael 發表於 2013-4-4 22:54
我都睇咗，覺得根本就只係一套掛住 GI Joe 牌頭既爛片
故事骨架無乜問題，相信係前人留俾第二集既
但劇情 ...

"免費入場都嫌嘥時間"

同感.....