[評測] 非一般玩具，Oculon Hikari Pro920 - 最小的掌上型投影機

阿定 · 發表於 2008-10-27 16:19

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

還記得很久以前，Wii剛出來時，本站(這裡指小弟負責做版主的某遊戲機資訊網)其中一次的版聚，帶了一台42寸的LCD電視來讓大家試玩Wii嗎，我們當時用了四位版主義工去負責借還LCD電視，再加上來回的士，實在非常麻煩，非常辛苦，但今時今日，如果大家想相約一班朋友到上樓Cafe，或約埋三五知已去渡假時打Party Game，甚至想自己係家中都能感受大銀幕的樂趣，我們多了一個好拍檔，就是今次要為大家介紹的 Oculon Hikari Pro920啦！

首先，聽到掌上投影機，大家會認為會有多大呢，我估以下呢幅圖一定能給大家作一個參考啦！

官方規格為 90mm(W) x 44mm(H) x 80mm(D)

係咪真係好細呢，同iPod比，真係差唔多大，真正做到掌上Size，再來就是實物圖

我們可以看到，機身有三個掣，分別為開關掣一個及大細聲兩個，係，你無睇錯，呢個Projector係有聲出的，至於大唔大聲?只要你唔係係Disco或酒吧，你應該會聽得到的，不過音效當然就唔好同正常Speaker比了，就算係成萬蚊的Projector，d聲都唔會靚得去邊！

呢個Projector除左可以配合VGA輸入外，還可以使用傳統常見的Compostie Cable(紅白黃線)作為影音輸入接口，不過就要使用一條跟機線了！

再細看一下，就是VGA x 1, Video mini jack x 1, 電源輸入 x 1，當然還會有風扇一把

散熱係做得唔錯的，我試了兩個小時，部機只係暖，係唔會熱的，所以壽命應該得到保障，呢點我真係覺得廠方做得幾好！

然後就係點放好佢啦，機底設有相機用的腳架插位，大家可以用小腳架放係桌子上就可以

畫質，最重要的盡質，由於我部機仔係影唔到黑暗環境的，所以相就唔貼出來啦，雜訊實在太勁，但網上Youtube會有好多其它人做的報告，大家睇下人地的片好過睇我d相，經過幾小時的實際使用後，我現在就交代番我的感受比大家知吧，首先，作為一個Projector，從性價比來計算，3000定價唔算貴，以25寸投射質素來說，絕對係合格有多，但如果真係好似生果報所講，投夠50寸出來玩，我只能夠講，得，無問題，好清，但唔夠光，間唔中同朋友一齊時玩下50寸，一定無問題，仲好開心添，但如果你打算長期用來投50寸，我還是建議大家正正經經買返個大size的Projector，始終呢件係Mini Projector，比你帶出街或在家時過下引，並唔係預你長期投50寸用的，咁當然，如果你間係黑房，咁你就可以照用佢來投50寸無問題了

另外還有一個對Game迷比較擔心的問題，就係無16:9，咁點算呢，會唔會無辦法解救呢，咁當然有得救，用色差接 HDBOXPRO，再出VGA到 Pro920 係可以解決呢個問題的，除了可以16:9外，還可以支持480P、720P等輸入，畫面質素當然會有所提升，但換來的就係多左舊野，我自己親身試過把 HDBOXPRO 接上 Pro920，Wii 和 XBOX360 的畫面都比之前靚，始終色差輸入係唔同d，如果已經有HDBOXPRO的朋友，又打算買呢個Projector，我會建議你合併使用，唔好浪費左部遊戲機的 480P/ 720P 輸出

總結

Pro920 作為一個Projector，性價比非常高，能在3000元內買到一個Projector，保守估計能用上15年(10年後部野都唔知去左邊了)，真係非常抵買，但作為一件玩具，3000元是否你接受到的價錢，就另作別論，如果你係經常出外工作要用Projector，又或者你家無50"大電視，而你又想試下打FF 或 BIO這類大作用大銀幕來玩，又或者你經常有三五知已一起打Winning或Wii Sport，甚至係大富翁式的遊戲如Mario Party等，那麼這個 Pro920 掌上投影機，絕對是增加你打機樂趣的好幫手！

以下為外部連結資料

Pro920掌上型投影機日本介紹影片

[youtube]fS6WdxVe_v0[/youtube]

光與暗環境比較實例

[youtube]i0Rnovr_Xj8[/youtube]

生果日報介紹按我

以下為官方資料

安裝簡便

只需要1公尺就能投影出25吋的大畫面。具有足夠的輸出能量，讓任何大型會議中所投出的畫質保持明亮清晰，輕巧機身300g，尺寸只有一個香煙盒的大小，讓您攜帶方便。

高性能

安靜無噪音。採用主流先進的LCoS技術。具備高亮度，無論是光線明亮的會議場所或是播放動態影片及照片的多媒體模式，皆可表現出清晰立體、色彩豐富的高性能。

產品特色

‧Projective size 25 inch  投影尺寸
‧High Resolution: 640x480 (VGA)  高清解析度
‧Brightness LED Light source: 10 Lumens  流明值/ 亮度
‧Low Power Consumption: >5W  超低消耗功率

產品規格

[ 本帖最後由阿定於 2008-10-27 16:24 編輯 ]