請問有冇ching, 用緊 Sienta 7人車

kayin008

想知道架車性能好唔好...同埋架車係水貨...出車要注意d咩事情??

thx 各位ching

gamakit

試過載六個成人行屯公，上上落落都夠力，低扭唔錯，高轉有D嘈。大概$1.2.-$1.5/公里。睇車要注意是否水浸車、膠邊老化及里數等，斯文車較少有大撞，留意下有冇D少撞就得。

kayin008

回復 2# gamakit


    CHING...你架是咩年份??

小瑟

你問岩人勒, 小弟正是!!!

架車性能係OK既, 不過要留意一下, 因為係無段變速波箱, 所以如果你渣開有段既車, 一開頭會好唔慣, 因為成日好似去到好高轉都冇咩 KICK DOWN既感覺.....不過家庭C文車, 就係咁, 佢預你一般都係2000轉樓下已經夠做!!!

呢架車只係得水貨, 自從上次日本地震之後, 我諗依家真係瞎街都係入水車, 係三唔識7既車行買, 真係要好小心, 我都係建議果句, 去睇岩款之後再搵自己車房師父上架驗過, 真係冇水跡先好買, 未上架前最多都係比100蚊訂當驗車算, 話你知, 呢架車好蝦人買的, 我有個師兄同我講過, 有個客架車, 車身非常之新淨, 個錶只係行左5000唔夠, 外表睇新既一樣, 點知一上架開頭COME...嘩.........原來架車係分左幾截, 連個迫力碟既內部都生哂秀既, 死未!!!

如果我冇記錯, SIENTA係日本應該係冇皮籠既, 所以你見係香港既都係D車返來自己買包過架勒, 至於為咩要包, 有二個講法, 一係想賣得好既價, 二係因為D位既水跡冇得攪, 一野包左就唔洗煩!!!!

所以買呢架車要好小心好小心, 唔搵熟人CHECK清楚千萬唔好亂買!!!!!

小瑟

整張相毒下你先!!!!

gamakit

回復 3# kayin008


   冇記錯 我架係07年。

kayin008

你問岩人勒, 小弟正是!!!

架車性能係OK既, 不過要留意一下, 因為係無段變速波箱, 所以如果你渣開 ...
小瑟 發表於 2011-8-15 10:02

    多謝...大王意見... 我見有部04年車賣...應該都唔會係水浸車??...但架車又冇牌費...去唔到車房上架喎...點算呀??

kayin008

回復  kayin008


   冇記錯 我架係07年。
gamakit 發表於 2011-8-15 10:19

    請較ching 04 同07...有冇分別??

gamakit

回復 8# kayin008

小改款(頭燈、鬼面罩)，冇乜大變動。

小瑟

回復  kayin008


   冇記錯 我架係07年。
gamakit 發表於 2011-8-15 10:19

07年轉左款, 好野來呀~~~~