指甲油test~~~

marcolau

岩岩做左個指甲油test，(比bb知道我攞佢d指甲油黎玩，一定死硬)
相信呢隻幾年前嘅オオゴシトモエ指甲油卡碧尼大家都睇過，一直都想試吓玩，但問題係我手頭上冇呢隻色嘅指甲油，講真，加吓d女仔邊興用珍珠色架，十個有九個都係用純色，記憶中我亞媽就用過珍珠色指甲油，所以搵日要去mk刮吓。
youtube影片︰http://hk.youtube.com/watch?v=8BWm0CkwpC0&feature=related


test分別係2支平野(10蚊3支)銀及粉紅，同一支靚野(missha)閃粉透明綠，全部都可以用mr.color thinner開稀。
圖中所見三支油均冇偏光(偏光即係類似珍珠色效果)，只係有少少珍珠feel(指甲油特性)。


結果︰只有頭頂燈情況。
(銀色都嘅好遮播~~~^^!)


結果︰兩邊燈情況。
白圈︰銀色，正常。質感有d似啞色左嘅mr.color #8銀，但粒子更細。...XD
綠圈︰閃粉透明綠，只係見到一粒粒閃粉及少綠，純粹試吓咩閃粉會塞筆而已。
紅圈︰粉紅，d色唔出，應該係黑底關係，手指印等陣講。
藍圈︰銀色，花痕之後講。

test過程︰
開油︰因為係可樂罐，所以我先噴上金屬用畢地，指甲油用leveling thinner開稀，份量同開模型油一樣。
雖然我平時鍾意在筆兜上溝油，但因為我唔知油質沉底情況，所以選擇在盆中溝thinner，比較保險。

出油情況︰
一切正常，冇塞筆，冇必油，而且都幾香吓...^^!

乾燥時間︰
比模型油耐，唔怪得d秘書小姐要叉開晒d手指黎吹，紅圈手指印就係5分鐘時印出黎，大家要比d耐性。另一點係在test中係用黑底可樂罐，因為指甲油比較透，所以我噴都噴得厚左好多，都會影響乾燥時間。
10分鐘後表面似乾左，test刮花，用手指甲刮，結果如藍圈情況。
20分鐘後再刮，已經乾晒，正常用力係刮佢唔甩。
最後再噴多層super clear再刮，結果乾嘅時間仲耐，似乎光油已經食落下一層令指甲油再軟化，亦似乎分別唔大。

總結︰
指甲油比模型油軟身，所以唔可以厚噴，正常當光油咁噴幾層已經ok。
由於用噴筆關係，效果會比d姐姐油指甲靚好多，所以唔好比佢地知，免得做多樣野~~
市面上有d指甲油稀釋劑，如果怕thinner溝唔到可以買黎玩吓，但都係多餘。
因為甲油稀釋劑thinner成份少，主要係唔傷d姐姐嘅肉手，但模型就係另一回事，咬唔實先係問題。
甲油好多色選擇，雖然有人當主色玩，但test過之後，覺得太軟身，當super clear就可以，當主色就有點冒險，不過試吓唔同玩法都無防。


笑料一側(for my blog & post76 only)︰
擺底模型大半年再砌翻，竟然比人當新手，仲有條連畢地有咩特性嘅神人教翻我改燈點放漏，當時我真係覺得佢多Q餘，連線到未識穿教我改燈.....但我一貫答法都係"多謝意見"
日前有網友問到圖中隻卡碧效果點做出黎，
我答"指甲油"，就比人話我老吹講爛gag誤導新人，
亞大佬仲好笑，佢一向都好少出聲，今次都特登搵翻呢隻卡碧嘅youtube教學片post埋上去比佢睇，都比人串片中嘅オオゴシトモエ姐姐揸果支偏光マニキュア(下圖)唔係指甲油，而係偏光劑(偏光劑<--呢個名詞上Google係搵唔到嘅)。我諗除左神可以指鹿為馬之外，原來時下D模型神人都可以。
最後比大佬翻譯"マニキュア"係指甲油，點知神人又撐唔係隻隻指甲油可以溝thinner，死撐到底唔通就係神人本色??
仲單挑小弟整隻指甲油模型黎睇吓，本黎出師冇名都費時采佢，如今比人話我誤人子弟(或者佢話オオゴシトモエ姐姐誤人子弟都未定)，真係火都黎埋(但仍然好笑)，況且我都預左隻重戰機玩指甲油，總要真真正正試一次架啦。待我搵岩指甲油我會開波。
大佬講得岩架，人地要做高手咪由佢囉，講咁多把鬼咩，費事塞錢入人袋~~~~
因此，呢個post都幾無聊，純粹為test而test~~~又係多Q餘。


[ 本帖最後由 marcolau 於 2008-10-22 08:00 編輯 ]

lolopopo

我砌模型都成廿幾年前，以前好多野都係要diy，唔似依家咁多工具，所以我都要請教大家。
以前做黑線，只有古老方法，用油性做基色，水性做黑線因為水性可以用綿花棒用水抹走多交餘部份(希望唔好笑親各位)Smilies005 ，所以都唔好咁介意人地點講Smilies010

大佬John

正常黎講人都應該認衰左, 但我估佢仲會撐落去, 佢仲有招消光魔術, 三四個人話佢厚油, 死都話唔係, 係燈光問題, 噴一噴啞光就冇事, 果時已經有消光魔術師既名....俾人知佢跟cody chan學過野, 丟埋人地既架。

marcolau

原帖由 大佬John 於 2008-10-22 10:22 發表
**** 本內容被作者隱藏 *****

高地真係可憐，教出d咁嘅神人。

marcolau

原帖由 lolopopo 於 2008-10-22 10:14 發表
我砌模型都成廿幾年前，以前好多野都係要diy，唔似依家咁多工具，所以我都要請教大家。
以前做黑線，只有古老方法，用油性做基色，水性做黑線因為水性可以用綿花棒用水抹走多交餘部份(希望唔好笑親各位)Smilies005 ，所以都唔好咁 ...

油性做基色，水性做黑線冇問題架，而加都好多人都仲係咁玩~~放心，你冇out到...^^!
我同你差唔多啦~~只係而加先玩噴油啫，
我都知咩係一山還有一山高，就算點高手都要虛心學習，
不過果條友真係好得架，所以我最後都係得啖笑~~~^^

kennykky

算啦,e個世界大把人識少少扮代表,最緊要自己玩得開心

大佬John

佢話"偏光劑"果時我突登用"引用"功能, 等佢想改都冇得改Smilies010

marcolau

原帖由 大佬John 於 2008-10-22 12:53 發表
佢話"偏光劑"果時我突登用"引用"功能, 等佢想改都冇得改Smilies010

其實我今次明裝佢條粉腸，
由第一句開始我都知佢唔識呢隻野，所以我唔POST youtube條link，
點知又有條丙文搭訕，但我都仲唔post條link，只係串佢一句佢就收左水，因為個局唔係裝比丙文用。
直至條粉腸入局，but大佬已經加入戰團，為有直接串佢咩都唔識，總之佢講一句串一次。
最後雖然佢收歛左，但我唔覺得佢有收水情況，不過成個post佢已經開晒佢d底牌，偏光劑呢個已經係超經典，遊戲亦已經玩完。
所以係幾心涼架~~XD

本來呢個post我想post過去串多佢一鑊，but最後我都冇做，費事教精佢~~~

marcolau

原帖由 kennykky 於 2008-10-22 12:34 發表
算啦,e個世界大把人識少少扮代表,最緊要自己玩得開心

我冇野播，只係同大佬去左一日遊啫。

大佬John

依家去google search "偏光劑", 第一行就去左uw 呢一個postSmilies006 Smilies006
差在未入維基百科

[ 本帖最後由 大佬John 於 2008-10-22 13:46 編輯 ]