|
|
樓主 |
發表於 2011-8-10 12:21
|
顯示全部樓層
made in 邊度都唔緊要,最緊要係用自己對眼去睇清楚就得啦!!!
avlam 發表於 2011-8-10 00:22 
我都認為made in邊度唔重要,只係順便問下(恐防有某Ｄ地方生產有問題),琴日去左灣電二樓問下價及試機,可惜店員態度差.
首先我係人生第一次去影音店開口講試,以前唔講因為自知未係時候買.
對話大致如下:(盡量簡短)
(我帶埋GF一齊去,等佢都知質素如何)
入到店我問:有無EPSON TW4500
店員:TW4500大陸做我地無賣,主要賣日產機,因為好多客用幾個月就放賣.(我心諗:其他人點樣買關我鬼事)
我問:咁可唔可以試下AE4000.(因見到佢有擺出來,而且我睇過資料大約知呢兩部技術差唔多)
店員:可以,(由於試機位置已有一台投影機,需拔線,搬機,換上AE4000)續問:咁你要咩幕,增益幾多.
我答:我上網見到多數人都係用Grandview / OS , 增益唔洗咁高,因為我暫時唔會用3D機,想知兩者價錢差別幾多而決定.
店員:咁死得啦,
我補答:我都會睇埋質素既,價錢只係參考.
試機中......(畫質ok,其實我由AE1000已留意想買,只係經濟,住既地方問題而唔買)
店員:之前有無在其他地方試過TW4500.
我答:無
店員:無,咁你睇都未睇過TW4500就買?
我答:我唔係話未試過TW4500就決定買,所以我咪問你有無TW4500.
店員:其實AE4000同TW4500都成年幾前既機,質素雖好但都唔及sony hw20.
我問:咁可唔可以試埋hw20,(因為我都好想知SXRD 同 LCD 技術既分別)
店員:可以(但無行動)
店員:你未睇過大陸做既TW4500都買,我賣比你2萬1你要唔要丫.
我答:我唔係話一定要買TW4500,所以我咪想睇埋hw20囉.
店員:我覺得你好無誠意囉.(佢都係無諗住試比我睇)
大致完(文字上可能無乜野,但加上態度差,語帶諷刺,效果就完全唔同)
跟住我即走,我自問我係想買的,唔識就要問多Ｄ架啦,如果唔識野,問多Ｄ,試下機就叫無誠意,咁所有未買過既人都唔洗買啦.
定係試機要放低錢先叫有誠意? 咁佢應該貼個牌出來 要試機費 .
佢根本自相矛盾,話我未睇過TW4500就想買(意思唔試機買機),但又唔想試hw20比我睇,咁我係咪唔洗試就幫佢買?
或者佢睇唔起我,覺得我無錢買齋試機.
我知,可能好多ching覺得我有問題,因為唔同人有唔同見解. |
|
[複製鏈接]
發表於 2011-8-9 23:23
